تورکیه‌دن، ترور هؤرگوتو ی.پ.گ‌یه سون اویاری

تورکیه‌دن، بؤلوجو ترور هؤرگوتو پ‌کاکانین سوریه قولو پ.ی.دنین سلاح‌لی قانادی ی.پ.گ‌یه سون اویاری.

دیش ایشلری باخانی مولود چاووش‌اوغلو، ی.پ.گ عضوو تروریستلرین همن فیرات چایینین دوغوسونا چئکیلمه‌مه‌سی حالین‌دا هدف اولاجاقلارینی سؤیله‌دی.

چاووش‌اوغلو، آنکارادا اولان هلندلی قونومداشی برت کوندرس ایله تشکیل ائتدیی اورتاق مطبوعات کنفرانسین‌دا، ۲۴ آگوست‌دا باشلایان فیرات قالخانی عملیاتینین، جرابلوسو ترور هؤرگوتو داعشدن تمیزلمه‌یی هدفلدیینی خاطیرلاتدی.

چاووش‌اوغلو؛

"کیچیک بیر گوج ایله بئله داعش، کنترل ائتدیی بؤلگه‌لری ترک ائدیر، بورالاردان قاچیر. (داعش قارشیدیی کوالیسیون ایچین‌ده‌کی) ۵-۶ اؤلکه بئله بو مؤوضوعدا امکداش‌لیق ائتسه ایدی بو گونه قدر سوریه‌ده و عراق‌دا بئله بیر ترور هؤرگوتو قالمازدی" دئیه دانیشدی.

عملیاتین ائدیلدیی منبج بؤلگه‌سین‌ده آغیرلیق‌لی اولاراق عربلرین یاشادیغینی و تورکیه‌نین دستکلدیی بو عملیاتین ایچین‌ده‌کی گوجلرین ده اساساً بو بؤلگه‌دن اینسانلار اولدوغونو وورغولایان چاووش‌اوغلو؛

"بو بؤلگه‌لره، بورانی ترک ائتمک مجبوریتین‌ده قالان اینسانلار یئرلشدیریلمه‌لی، اونلار یاشامالی. اما ی.پ.گ‌نین مقصدی بو دئییل. ی.پ.گ گئتدیی یئرلرده اؤزو کیمی دوشونمه‌یه‌ن کوردلر داخیل هر کسی کؤچه مجبور ائدیر، ائتنیک تمیزلیک ائدیر. اساساً بو عملیات‌دان ی.پ.گ/پ.ی.د/پ‌کاکانین راحاتسیز اولماسینین سببی بودور. داعش ایله موباریزه ائتدیینی سؤیله‌یه‌ن بیر ترور هؤرگوتو، داعشه قارشی باشقا گوجلرین آپاردیغی عملیات‌دان ندن راحاتسیز اولسون؟ مادام اورتاق هدف داعش، نیه راحاتسیز اولور؟" شکلین‌ده دانیشدی.

ترور هؤرگوتو ی.پ.گ‌نین، هم اؤزونون، هم ده واشینگتون رهبرلیینین سؤز وئردیی کیمی، درحال فیرات چایینین باتیسین‌دان چیخماسی لازیم اولدوغونو وورغولایان باخان، "عکس تقدیرده هدف اولاجاق" دئدی.