پرزیدنت اردوغان: ترور تشکیلات‌لارینا یؤنلیک عملیات‌لار کؤک‌لری قازینانا قدر داوام ائدجک
اردوغان، تورکیه‌نین ترور تشکیلات‌لاری‌نین و ترور اصول‌لاری‌نین هئچ بیرینه تسلیم اولمادیغینا دقت چکه‌رک، 20 آغوستوسداکی سالدیری‌نین هدفی‌نین اجتماعی قاریشیق‌لیق چیخارماق اولدوغونو وورغولادی
تورکیه پرزیدنتی رجب طیب اردوغان، ترور تشکیلات‌لارینا یؤنلیک عملیات‌لارین، کؤک‌لری قازینانا قدر کسیلمز داوام ائدجگینی سؤیله‌دی.
غازی آنتپ‌ده، 20 آوقوستدا، ترور تشکیلاتی داعشین ائتدیگی و 54 نفرین اؤلدوغو اینتیحار سالدیریسی سونراسی "بیرلیک، برابرلیک و قارداش‌لیق میتینگی" تشکیل ائدیلدی
پرزیدنت اردوغان، غازی آنتپ 15 ژوئیه دموکراسی میدانیندا ائدیلن میتینگه قاتیلا‌راق وطنداش‌لارا خیطاب ائتدی.
اردوغان، تورکیه‌نین ترور تشکیلات‌لاری‌نین و ترور اصول‌لاری‌نین هئچ بیرینه تسلیم اولمادیغینا دقت چکه‌رک، 20 آغوستوسداکی سالدیری‌نین هدفی‌نین اجتماعی قاریشیق‌لیق چیخارماق اولدوغونو وورغولادی.
اردوغان؛
"وطنداش‌لاریمیزین اتنیک کؤکنینه، سیاسی گؤروشونه باخا‌راق بو سالدیری ایله اونلاری تحریک ائده بیله‌جک‌لرینی ظن ائدن‌لر بیر دفعه داها زیانا اوغرادی‌لار" دئدی.
سوریه‌نین جرابلوس بؤلگه‌سی‌نین داعشدن تمیزلنمه‌سی اوچون حیاتا کئچیریلن فیرات قالخانی عملیات‌لارینا دا توخونان اردوغان؛
"جرابلوسون صاحب‌لری ایندی جرابلوسا یئرلشمه‌یه باشلادی. غازی آنتپ‌ده جرابلوس‌لو قارداشلاریمدان، جرابلوسا دؤنمک ایسته‌ین‌لره هر جور دستگی وئرجگیک "شکلینده دانیشدی.
فتح الله‌چی ترور تشکیلاتی پارالل دولت یاپیلانماسی (فتو / پ.د.ی)'نین 15 ژوئیه‌ده کودتا گیریشیمی ده پرزیدنت اردوغانین گوندمیندئیدی.
میتینگ ساحه‌سینده وطنداش‌لارین "اعدام ایستییریک" شکلین‌دکی شعارلاری اوزرینه پرزیدنتی اردوغان، میللتین بو طلبی‌نین قرارینی تورکیه بؤیوک میللت مجلیسی‌نین وئرجگینی ایفاده ائتدی.
اردوغان؛
"سیزین بو طلبینیزی من اونلارا چاتدیردیم، بو گون یئنه بورا‌دان چات‌دیریرام. بونو مذاکیره ائتمه‌لی‌دیرلر و اوندان سونرا قراری وئرمه‌لی، قرار اؤنومه گلدیگینده ده من بو قراری ایمضالارام" دئدی.
اردوغان، فتو ایله موباریزه چرچیوه‌سینده دونیا‌داکی بوتون اؤلکه‌لری آختاردیق‌لارینی ایفاده ائده‌رک؛
"دولت و حکومت باشچی‌لاری دانیشیریق. دئییریک کی' یا او یا بیز." دئدی.
پرزیدنت اردوغان، بیر-بیرلرینه قارشی کیمی گؤرونن ترور تشکیلات‌لاری‌نین اصلینده عینی مرکزدن ایداره ائدیلدیگینه وورغو ائده‌رک، بو تشکیلات‌لارین هامیسی‌نین آرخاسیندا عینی صیفت اولدوغونو بیلدیک‌لرینی، آرتیق بو چیرک‌لی اویون‌دان ایمتیناع ائدیلمه‌سی لازیم اولدوغونو وورغولادی.
