ابراهیم کالین “سی ان ان " ده تلویزیون کانالیندا گوندمی دیرلندیردی
ابراهیم کالین " سی ان ان " تلویزیونونون جانلی یاییمیندا کریستین امانپورون قوناغی اولدو.
دؤولت باشچی‌سی‌نین سؤزچوسو ابراهیم کالین سوریه‌نین جرابلس بؤلگه‌سینه ایستیقامت‌لی "فرات قالخانی" آدلی حربی عملیاتی دیرلن‌دیره‌رک بیلدیردی کی، منبیچه دایر راضیلاشما YPG و PYD –نین عملیات‌دان سونرا منبیچ‌ده قالماماسی ایدی. حال-حاضرداکی پروسئس همین چرچیوه‌ده داوام ائدیر.
ابراهیم کالین بونو " سی ان ان " تلویزیون کانالینین جانلی یاییمیندا کریستین امانپورون سوا‌لارینا جاواب وئررکن دئدی. کالین جرابلس ایستیقامت‌لی "فرات قالخانی" عملیاتیندان فتح الله چی ترور تشکیلاتی‌نین (فئتو) قولدورباشی گولن‌ین قایتاریلماسینا دایر گوندمده اولان‌لاری دیرلن‌دیره‌رک قئید ائتدی کی، ترور تشکیلاتی پ.ک.ک-نین سوریه‌ده کی داوامی YPG و PYD قبول ائدیلن راضیلاشمایا اساسن فراتین شرقینه چکیلمه‌لی‌دیر.تورکیه‌نین کورد وطنداش‌لار ایله دئییل، تروریست قروپ‌لار اولان پ.ک.ک و اونون داوامی اولان PYD و YPG ایله پروبلئمی اولدوغونو بیلدیردی.
آزاد سوریا اردوسونون بؤلگه‌ده کی گوجونه ده دقت چکن ابراهیم کالین بو اردونون جرابلس‌دان ترور تشکیلاتی داعشی تامامیله تمیزله‌یه‌جگینی، بونا گؤره ده نتیجه‌ده YPG -نین بؤلگه‌ده تک تأثیرلی گوج اولدوغو باره‌دکی حاقسیزلیغین اورتایا قالخاجاغینی ایفاده ائتدی.
ابراهیم کالین آمریکانین باشقان یاردیمجیسی جو بایدن‌ین تورکیه‌یه سفری زامانی فئتونون قولدورباشی گولن حاقیندا دیله گتیردیگی سؤزلری ده دیرلن‌دیره‌رک دئدی کی، گولن‌نین قایتاریلماسینا دایر پروسئسین هله باشینداییق. بایدن سفرینده 15 ژوئیه‌ده کی اوغورسوز چئوریلیش جهدینده مجلیس داخیل بومبا‌لانان یئرلرین گؤرونتولرین‌دن تأثیرلندی. تورکیه‌نین گولن مسئله‌سینده نه قدر جدی اولدوغونو درک ائتدی.
کالین بونو دا وورغولادی کی، 15 ژوئیه‌دن سونرا وظیفه‌دن چیخاریلان‌لار، حبس ائدیلنلر، ساخلانیلان‌لار اولدو و اولماقدا داوام ائدیر. بیز اینتیقام دویغولاری ایله حرکت ائتمیریک.بیز عدالتی اجرا ائدیریک.
ایلک پلاندا 15 ژوئیه چئوریلیش جهدینده ایشتیراک ائدن دؤولت ایشچی‌لری‌نین دؤولت ایداره لریندن تامامیله تمیزلنمه‌سی اوچون جهد گؤستریلیر. مقصدیمیز تورکیه‌ده بیر داها اصلا حربی چئوریلیش اولماماسینی تامین ائتمک‌دیر.
