چاووش اوغلو:"چته باشی گولن میللی تهلوکه‌سیزلیگیمیز باخیمیندان چوخ جدی بیر تهدیددیر"
خاریجی ایشلر ناظیری مولود چاووش اوغلو فتح‌الله‌چی ترور تشکیلاتی پارالل دؤولت یاپیلانماسینین (فئتو/پ.د.ی) قولدورباشی فتح‌الله گولننین قایتاریلماسی‌نین عدلیه چرچیوه‌سینده ساده بیر کؤمکلشمه مسئله‌سی اولمادیغینی بیلدیردی.
خاریجی ایشلر ناظیری مولود چاووش اوغلو فتح‌الله‌چی ترور تشکیلاتی پارالل دؤولت یاپیلانماسینین (فئتو/پ.د.ی) قولدورباشی فتح الله گولننین قایتاریلماسی‌نین عدلیه چرچیوه‌سینده ساده بیر کؤمکلشمه مسئله‌سی اولمادیغینی
میللی تهلوکه‌سیزلیک باخیمیندان چوخ جدی تهدیدین گوندمده اولدوغونو بیلدیردی.
چاووش اوغلو اؤزونون تویتر صحیفه‌سینده آچیقلاما وئره‌رک، آمریکا پرزیدئنتی‌نین کؤمکچی‌سی جو بایدن‌نین آنکارایا سفری‌نین اؤنملی اولدوغونو ایفاده ائتدی و بیلدیردی کی، بایدن‌نین سفری واسطه‌سیله اورتایا قویولان هم رای‌لیک سوموت آددیم‌لارلا دستکلنمه‌لیدیر. ایکی طرفلی علاقه‌لری گوجلو توتا بیلمک اوچون ایسه مؤوجود سوال‌لارا لازیم گلن جاواب‌لارین وئریلمه‌سی و قرارلی بیر مؤوقع اورتایا قویولماسی واجیب‌دیر.
ترور تشکیلاتی فئتو دوزگون باشا دوشولمه‌لی‌دیر. بون‌لار دینی بیر قروپ دئییل‌لر، دینیمیزدن سوء-ایستیفاده ائدن، اؤز منفعت‌لرینی دوشونن، الی قانلی، وحشی و باربار بیر ترور تشکیلاتی‌دیر.
خاریجی ایشلر ناظیری چاووش اوغلو اونو دا وورغولادی کی، 15 ژوئیه‌دن سونرا 1999-جو ایلدن بری‌دیر آمریکادا یاشایان فتح الله گولن و ترور شبکه‌سی‌نین منفعت علاقه‌لری، گیزلی هدف‌لری گون ایشیغینا چیخاریلدی. چته باشی گولننین قایتاریلماسی ایسه عدلیه ساحه‌سینده ساده بیر کؤمکلشمه مسئله‌سی دئییل. میللی تهلوکه‌سیزلیگیمیز باخیمیندان چوخ جدی بیر تهدید تشکیل ائدیر.
