تورکیه: سوریهنین اراضی بوتؤولوگو قورونمالی
سوریهنین اراضی بوتؤولوگونو یالنیز تورکیهنین دئییل ایرانین دا قونشو اؤلکهلرینده اهمیت وئردیگینی ایفاده ائدن باش ناظیر ییلدیریم، بؤیوک بیر تخریبات یاشایان سوریهنین بؤلونمه تهلوکسیله موباریزه ائدهجک طاقتینین قالمادیغینی قید ائتدی
تورکیه باش ناظیر بینالی ییلدیریم، سوریهنین اراضی بوتؤولوگونون قورونماسینین لازیم اولدوغونو سؤیلهدی.
باش ناظیر بینالی ییلدیریم، چانکایا کؤشکونده ائدیلن ناظیرلر کابینهسینین توپلانتیسینا وئریلن واخت ژورنالیستلره آچیقلامالار وئریب.
سوریهنین اراضی بوتؤولوگونو یالنیز تورکیهنین دئییل ایرانین دا قونشو اؤلکهلرینده اهمیت وئردیگینی ایفاده ائدن باش ناظیر ییلدیریم، بؤیوک بیر تخریبات یاشایان سوریهنین بؤلونمه تهلوکسیله موباریزه ائدهجک طاقتینین قالمادیغینی قید ائتدی.
سوریه خالقینین، گلهجگی حاقیندا سؤز صاحبی اولاجاغی تک بیر سوریه دولتینین یارادیلماسی، بوتون اتنیک قروپلارین تمثیل ائدیلهجگی بیر رهبرلیک شکلینین قورولماسی لازیم اولدوغونو ایفاده ائدن باش ناظیر،
"قونشو اؤلکه اولاراق تورکیه، یئنه یاخیندان علاقهدار ایران باشدا اولماق عذره روسیا، آمریکا، حتی بعضی کؤرفز اؤلکهلری و سعودی عربیستانین دا رول آلاجاغی بیر مودئلله آرتیق داها چوخ واخت ایتیرمهدن سوریهده یئنی بیر صحیفهنین آچیلماسی حیاتی اهمیته صاحب." دئدی.
ایسرائیلین غزه بؤلگهسینه قارشی گیریشدیگی هاوا هوجومونا دا توخونان باش ناظیر ییلدیریم، سیویللره یؤنلیک بو سالدیریلاری اونایلامادیقلارینین وورغولادی.
باش ناظیر،
"بیزیم ایسرائیل ایله علاقهلریمیزین نورماللاشدیریلماسی فیلیسطینلیلرین حاقلی داوالارینا قارشی دؤزوموموزو، اونلارلا بیرلیکده حرکت ائتمهمیزی اصلا مانع اولمور، دوردورماز." ایفادهلرینی ایستیفاده ائتدی.
تورکیه-میصیر علاقهلرینه ده ایستیناد ائدهرک، "میصیر ایله علاقهلری اینکیشاف ائتدیرمکدن طرفداریییق." دئین باش ناظیر ییلدیریم،
"میصیر، مدنیتی، دگرلری بیزیمله چوخ یاخین اولان بیر اؤلکهدیر، خالقلاریمیز قارداشدیر. رهبرلیکده یاشانان آنلاشیلمازلیقلار خالقلاریمیزا ضرر اولاراق یانسیتیلمامالیدیر." شکلینده دانیشدی.
باش ناظیر ییلدیریم، دونن گون ایچینده جمهوریت خالق پارتیسی لیدری کمال کیلیچداروغلو و میللیتیچی حرکت پارتیسی لیدری دولت باغچهلی ایله ائتدیکلری توپلانتی دا مثبت و وئریملی اولاراق قیمتلندیردی.
مخالیفت لیدرلری ایله ایچ و خاریجی سیاستده اینکیشافلار موضوعسوندا معلوماتلاندیردیغینی ایفاده ائدن ایلدیریم، یئنی آنایاسا پروژهسینی 5-10 گون ایچینده لیدرلره تقدیم ائدهجکلرینی ده قید ائتدی.
باش ناظیر، آیریجی شرق و گونئی دوغویا یؤنلیک سرمایه، تشویق و دستک پروژهلرینی تاماملادیقلارینین اؤنوموزدکی گونلرده توپلوملا پایلاشاجاقلارینی سؤیلهدی.
ایلگیلیلی خبرلر
اردوغاندان آوروپا گونو مئساژی
"آوروپا بیرلیگینین ایلیشکیلریمیزی چیخمازا آپاران سیاست و ایفادهلردن قاچینماسی حیاتی اؤنمه صاحبدیر"