تورکیه باش ناظیری، جمهوریت خالق پارتیسی و میللیتچی حرکت پارتیسی باشقانلاری ایله گؤروشدو

تورکیه باش ناظیر بینا‌لی ییل‌دیریم، جمهوریت خالق پارتیسی باشقانی کمال کیلیچدار اوغلو و میللیتچی حرکت پارتیسی صدری  دولت باغچه‌لی ایله گؤروشدو.

باش ناظیرلیک رسمی قونوتوندا مطبوعاتا باغلی رئال‌لاشان گؤروشمه، 3 ساعات داوام ائتدی.

7  آوقوستدا ایستانبول یئنی‌کاپیداکی بیرلیک و برابرلیک روحونون داوام ائتدیریلمه‌سی‌نین مقصد قویولدوغو گؤروشمه‌ده، فتح الله‌چی ترور تشکیلاتی پارالل دولت یاپیلانماسینین (فتو / پ.د.ی) 15 ژوئیه کودتا تلاشی، ترورلا موباریزه، آنایاسا پاکتی کیمی موضوعلارین دا اله آلیندیغی تخمین ائدیلیر.

اوچ پارتی‌نین نماینده‌لری محکمه باش‌لیغی آلتیندا آنایاسیا دییشیک‌لیگی ائدیلمه‌سینده اوزلاشمیشدی.

سون توپلانتی‌دان، آنلاشیلان باش‌لیق‌لاری لیدرلره تقدیم ائتمه قراری چیخمیشدی.

اوچ پارتی باشقانی، 15 ژوئیه کودتا گیریشیمی‌نین آردین‌دان پرزیدنتی رجب طیب اردوغان باشچیلیغیندا بیر آرایا گلمیش، همچینین باش ناظیر؛ جمهوریت خالق پارتیسی و میللیتچی حرکت پارتیسی باشقان‌لارینی مقام‌لاریندا زیارت ائتمیشدی.