طیب اردوغان غازی آنتپدکی بومبالی ترور سالدیریسینی قینادی
اردوغان ترور تشکیلاتلارینین و اونلارین آرخاسیندا گوجلرین باشاریلی اولا بیلمیهجگینی ده ایفاده ائدی
تورکیه پرزیدنتی رجب طیب اردوغان، تورکیهیه گوجلری چاتمایانلار، اتنیک و مذهب اساسلی حساسلیقلار اوزریندن تورک وطنداشلارینی بیر-بیرلرینه قارشی قیشقیرتماغا یؤنلیک سناریولارین توتمایاجاغینی بیلدیریب.
غازی آنتپدکی بومبالی ترور سالدیریسینی قینایان پرزیدنتی اردوغان، شهیدلره اللهدان رحمت، یاخینلارینا، باش ساغلیغی دیلهدی.
تورکیهنی هدف آلان ترور تشکیلاتلاری آراسیندا فرق اولمادیغینی وورغولایان اردوغان،
"بیر داها وورغولایاراق قید ائتمک ایستییرم کی، اؤلکهمیز و میللتیمیز اوچون 15 ژوئیه سیلاحلی کودتا گیریشیمینین و او گئجه ایتیردیگیمیز 240 وطنداشیمیزین فاعل فتح اللهچی ترور اؤرگوتویله (فتو)، یالنیز سون بیر آیدا عسگر، پولیس و کند قوروچولاریندان عبارت 70 امنیت گؤرئولیمیزین قاتیل ترور تشکیلاتی پ.ک.ک ایله، غازی آنتپ سالدیریسینین اولابیلهجک فاعلی ترور تشکیلاتی داعش آراسیندا هئچ بیر فرق یوخدور. " دئیه دانیشدی
ترور تشکیلاتلارینین و اونلارین آرخاسیندا گوجلرین باشاریلی اولا بیلمیهجگینی ده ایفاده ائدن پرزیدنت،
"بو تشکیلاتلاری اؤلکهمیزین و میللتیمیزین اوزرینه سالدیردانلارا مساژیمی یئنه عینیدیر: باشارامایاجاقسینیز! تورکیهده اذانلاری سوسدورماغا، بایراغی ائندیرمهیه، وطنمیزی بؤلمهیه، میللتیمیزی پارچالاماغا، بو علی قانلی تشکیلاتلارین و اونلارین آرخاسیندا گوجلرین نفسی ده تاقتی ده چاتمایاجاق." ایفادهلرینی ایستیفاده ائتدی.
غازی آنتپده سینانان عینی آلچاق اویونون توتمایاجاغینین دا وورغولایان پرزیدنت، تورکیهیه گوجلری چاتمایانلار، اتنیک و مذهب اساسلی حساسلیقلار اوزریندن وطنداشلاری بیر-بیرینه قارشی قیشقیرتامایا یؤنلیک سناریولارین توتمایاجاغینی قید ائتدی.
باش ناظیر بینالی ییلدیریم دا ائتدیگی یازیلی آچیقلاما ایله سالدیرینس لعنتلهدی.
باش ناظیر،
"بیر توی یئرینه بومبا آتاجاق قدر اینسانلیغا دوشمن اولان ترور، هئچ بیر دگر تانیمایان اوزونو بو دفعه بیر توی یئری ماتم یئرینه چئویرهرک گؤسترمیشدیر" دئدی.
ترورلا موباریزه وورغوسو ائدن باش ناظیر ییلدیریم، تورکیهنین بیرلیگینی و بیرلیگینی کیمسهنین بوزامایاجاغینی قید ائتدی.