تورکیه‌ده دموکراسی نؤبئتینی داوام ائتدیر
آنکارادا 15 ژوئیه قیزیل آی دموکراسی میدانی دا، 7-دن 70-ه هر یاش‌دان اینسانین کئشیک یئری
فتح الله‌چی ترور تشکیلاتی پارالل دولت یاپیلانماسی‌نین (فتو / پ.د.ی) 15 ژوئیه‌ده کودتا تلاشینا اعتراض اوچون 81 شهرین میدان‌لاریندا توپ‌لانان وطنداش‌لار 'دموکراسی نؤبئتینی داوام ائتدیریر.
پرزیدنتی رجب طیب اردوغانین "میدان‌لارا چیخین" چاغیریشینا اویان گلن هر یاش قروپون‌دان مین‌لرله وطنداش، 15 ژوئیه گئجه‌سین‌دن بو یانا اللرینده تورک بایراق‌لاری "دموکراسی کئشیگی" توتور.
آنکارادا 15 ژوئیه قیزیل آی دموکراسی میدانی دا، 7-دن 70-ه هر یاش‌دان اینسانین کئشیک یئری ...
بایراغینی الینه آلان جوشغولو دسته-دسته، گئجه بویونجا شهیدلر و غازی‌لر اوچون دعا‌لار ائتدی.
کودتاچی‌لرین ایلک گوللنی سیخان شهید گروهبان عمر حالیسدمیرین قوهوم و همشهریلری ده کئشییه قاتیلدی.
آنکارا بؤیوکشهر بلدیه باشچی‌سی مئلیه گؤکچک، شهید گروهبان عمر حالیسدمیرین آدی‌نین آنکارادا یاشاتیلاجاغینی سؤیله‌دی.
آنکارا بؤیوکشهر بلدیه‌سی مهتر تیمی مارشلارییلا کئشییه رنگ قاتدی.
دموکراسی کئشیگینه بیر دستک ده فیلیسطین و لبنانلی صنعتچی‌لر طرفین‌دن حاضیرلانان ماهنییلا گلدی.
فیلیسطین‌لی سایر جیهاد التوربانین یازدیغی "15 ژوئیه قهرمان‌لاری" آدلی شعرین سؤزلری لبنانلی"قروبا" قروبو طرفین‌دن بسته‌لندی.
میدان‌لار بو ماهنییلا دویغو دولو آنلار یاشادی.
دموکراسی نؤبئتی‌نین توتولدوغو ان قالابالیق نقطه‌لردن بیری ده پرزیدنت کوللیه‌سینده اولان میللت مسجید اؤنو اولدو.
گنجی یاش‌لی‌سی هر قروبدان اینسانین اولدوغو نؤبئتته وطن سئودا‌لی‌لاری دموکراسی‌یه صاحب چیخدی.
ایستانبولدا دا دموکراسی کئشیگینه سانکی مراسیمه چئویرن یوز مین‌لر، اللرینده تورک بایراق‌لاری ایله میدان‌لاری یئنه بوش بوراخمادی.
تقسیم‌ده وطنداش‌لار مارش‌لار سؤیله‌دی، دموکراسی مساژلاری وئردی.
عائله و سوسیال پولیتیکالار ناظیری فاطما بتول حؤرمت‌لی کایا ایله پرزیدنت رجب طیب اردوغانین قیزی سومیه اردوغان بایراقدار دا تقسیم‌ده دموکراسی کئشیگینه قاتیلدی.
پرزیدنت اردوغانین قونوتونون اولدوغو کیسیکلی‌دا دا وطنداش‌لار ایلک گون‌دن اعتباراً میدانی بوش بوراخمادی.
کیسیک‌لی میدانی یئنه بؤیوک بیر قروبو آغیرلادی.
خاریجی ایشلر ناظیری مولوت چاووش اوغلو دا دموکراسی کئشیگی اوچون کیسیکلیدایدی.
ایستانبولون بوتون میدان‌لاریندا اولدوغو کیمی بوتون یورددا، وطنداش‌لار اللرینده تورک بایراق‌لاری ایله سحرین ایلک ساعات‌لارینا قدر دموکراسی کئشیگینه داوام ائتدی.
