دموکراسی قورویوجولاری مئیدانلاری بوش بوراخمیر

دموکراسی قورویوجولاری اؤلکه بویو خیدمت‌لرینی حیاتا کئچیریر. کودتا جهدینه اعتراض ائدن‌لر کئچن گون‌ده آنکارادا جمهورباشقانلیغی قارشی‌سیندا توپلاندی. اونلارا رسمی‌لر‌ده دستکینی نوماییش ائتدیریر.

بورادا چیخیش ائدن قالخینما ناظیری لطفی الوان وورغولادی کی، 15 ژوئیه‌‌دن اعتباراً میدان‌لاردا نؤوبه چکن وطنداش‌لار دموکراسی، میلی ایراده، وطنه، میلته، دؤولته و آی‌اولدوزلو تورکیه بایراغینا صاحب چیخدیلار. تورک‌لرین اوسلار آراسی عالمه دموکراسی درسی وئردیگینی دئین قالخینما ناظیری 15 ژوئیه گئجه‌سی قورتولوش دؤیوشو روحونون قالخدیگینی دیله گتیردی. وطنداش‌لارین "اعدام ایستیریک" شعارینا ناظیر، "هئچ ناراحات اولمایین، اعدام مسئله‌سینه ده باخیلا‌جاق. دؤولت باشچیمیز، باش قوماندانیمیز بو مسئله‌یه دایر فیکرینی بیلدیردی. بیز بو گونه‌ده‌ک خالقیمیزا نه‌گی دئمیشیکسه، اونو دا ایجرا ائتمیشیک"دئیه جاوابلاندیردی.

خاریجی ایشلر ناظیری مؤلود چاووش‌اوغلودا چئویریلیش تشببوسکارلاری‌نین خالقا او قانلی گئجه‌نی یاشاتدیق‌لاری اوچون حساب وئره‌جک‌لرینی وورغولادی. ناظیر دئدی کی، اونلار بیر- بیر ایفشا اولونماقدا‌دیر. بعضی‌لری قاچیر، گیزله‌نیر، خاریجی اؤلکه‌لردن سیغینا‌جاق طلب ائدیر، لاکین بیز اونلاریدا ایزیندیک.

پایتاخت آنکارادا کیزیلای مئیدانیندا کئچیریلن "دموکراسی نؤوبه‌سینده ایشتیراک ائدن تورکیه بؤیوک میلت مجلیسینین سی‌نین صدری ایسماییل کاهرامان چیخیشیندا بیلدیردی کی، ژوئیه‌نین 15-ده تورکیه بؤیوک بلا‌دان خلاص اولدو. اوولکی ایللرده باش وئرن چئویریلیش‌لردن فرقلی اولا‌راق میلت دموکراسی‌یه صاحب چیخدی. میلت مجلیسینین صدری دئدی کی، بوندان سونرا تورکیه دؤولتی بیر داها چئویریلیش یاشامایا‌جاق. چونکی خالق آرتیق بونا "دایان" دئییر.

 نقلیات، دنیزچی‌لیک و خبرلشمه ناظیری احمد آرسلان دا بو میداندا چیخیشیندا دئدی کی، ائتنیک قورولوشو مین ایللره سؤیکنن تورک‌لر مذهب، دیل، عرق فرقی قویمادان، قارداشجا یاشایا‌راق، دونیایا میلی شعورون، میلت اولمانین نه دئمک اولدوغونو گؤستردی.

"کودتاچیلار سیزین میدان‌لارا چیخیب تانکین اؤنونه آتیلاجاغینیزی، هلیکوپترلردن آچیلان آتش‌لرین قارشی‌سیندا دوراجاغینیزی حسابا آلمادیلار. میلت باش قوموتانا، باش ناظیره، تورکیه بؤیوک میلت مجلیسینه و ان اساسی ایسه میللی ایراده‌یه صاحب چیخا‌راق دونیایا نمونه اولدو" -دئیه ناظیر چیخیشینی تماملادی.

اؤتن گون تورکیه‌نین دؤرد بیر یانیندا اولدوغو کیمی ایستانبولدا دا داها چوخ گنج‌لرین تشکیل ائتدیگی مین‌لرله شخص میدان‌لاری بوش بوراخمادی. اللرده بایراق‌لار، دیل‌لرده دموکراسی شعارلاری ایله فتح‌الله‌چی ترور تشکیلاتی پارالل دؤولت یاپیلانماسینی (فئتو/پ.د.ی) لعنت‌له‌دی. دموکراسی کئشیکچی‌لری کیسیک‌لی‌ده، دؤولت باشچی‌سی‌نین اقامتگاهی اؤنونه کئچن گئجه‌ده توپلاندی. چئویریلیش تشببوسکارلاری بیر داها لعنت‌لندی.

اوشاک‌داکی "دموکراسی کئشیگینده ایسه اقتصادیات ناظیری نیهات زیبکچی‌ده ایشتیراک ائتدی. ناظیر چیخیشیندا خاقلین کودتاچیلارا ووردوغو ضربه‌نین داواملی اولاجاغینی بیلدیردی. علاوه ائتدی کی، اونلاردان حقوقی چرچیوه‌سینده حساب سورولا‌جاق.