تورکیهنین بیروتداکی سفیرینین مقالهسی "ده دایلی ایستار" قزئتینده درج اولوندو
تورکیهنین بیروتداکی سفیری چاغاتای ارجیس تورک خالقینین چئوریلیش جهدینه جاوابینین دموکراسینین ظفری ایله اولدوغونو دئدی.
تورکیهنین بیروت سفیری چاغاتای ارجیسین اینگیلیس دیلینده چیخان "ده دایلی ایستار" قزئتینین بو گونکو ساییندا " تورک خالقینین 15 ژوئیه ده کی چئوریلیش جهدینه جاوابی دموکراسینین ظفری ایله اولموشدور" آدلی مقالهسی چیخدی.
مقالهسینده تورک خالقینین بوتونلشهرک چئوریلیش جهدینین قارشیسینی آلدیغینی و جسارتله تانکلارین قارشیسینا چیخاراق دموکراتیک حقوق و آزادلیقلارینی قورودوغونو قئید ائدن ارجیس بوتون سیاستچیلرین، مئدیا، پولیس و وطنپرور عسگرلرین ده چئوریلیش جهدینه قارشی دوردوغونو وورغولادی.
فتح الله چی ترور تشکیلاتی پارالل دؤولت یاپیلانماسینین (فئتو/پ.د.ی معتدل ایسلام ایله دینلراراسی دیالوقون نمایندهسی اولدوغو ادعاسینین حقیقتی عکس ائتدیرمهدیگینی قئید ائدن ارجیئس: "فئتونون مقصدینین گیزلینجه دؤولت اورقانلارینا سیزاراق اؤز گیزلی مکانیزمینی یاراتماق اولدوغونو" یازیر.
ارجیئس مقالسینده 100-دن چوخ اؤلکهده مکتبی اولان بو تشکیلاتین تکجه تورکیه اوچون دئییل، دونیا میقیاسیندا فعالیت گؤستردیکلری دیگر اؤلکهلر اوچون ده "گئرچک بیر تهلوکهسیزلیک تهدیدی" یاراتدیغینی بیلدیریر.
سفیر فیکرینه بئله داوام ائدیر: " گولن 30 ایلدن اوزون مدتدیر داوامچیلارینا پارالل دؤولت یاپیلانماسی قوراراق دموکراتیک سئچکیلرده سئچیلن حکومتی دئویرمک مقصدیله تورکیهنین اوردوسو، عدلیهسی و دیگر بوتون دؤولت اورقانلارینا سیزماغی تبلیغ ائدیر. چئوریلیش جهدینده ایشتیراک ائدن حربی رسمیلرین ایفادهلری و دقته لاییق اولان بیر چوخ دلیل 15-16 ژوئیه ده کی دؤولت چئوریلیشی جهدینین آرخاسینداکی آدین فتح الله گولن اولدوغونو آچیق شکیلده گؤستریر. ثبوتلارین دا گؤستردیگی کیمی، دؤولت چئوریلیشی جهدینی ایداره ائدن شخص – فتح الله گولن محاکمه اولونمالیدیر".
بیروت سفیری ارجیسین مقالهسی: "بو گون تورک خالقی یاخین تاریخده گؤرونمهمیش شکیلده بیر آرایا گلدی. تورک میلتینین 15 ژوئیه ده کی چئوریلیش جهدینه جاوابی دموکراتیانین ظفری ایله اولدو" ایفادهلری ایله بیتیر.