تورکیه‌ده دموکراسی قورویوجولاری میدان‌لاردا
فتح‌الله‌چی ترور تشکیلاتی پارالل دؤولت یاپیلانماسینین (فئتو/پ.د.ی) ژوئیه‌نین 15-دکی خیانتکار چئوریلیشه جهدینه دونیانین رئاکسیاسی داوام ائدیر.
فتح‌الله‌چی ترور تشکیلاتی پارالل دؤولت یاپیلانماسینین (فئتو/پ.د.ی) 15 ژوئیه چئویریلیشه جهدینه قارشی شهر میدان‌لاریندا توپ‌لانان وطنداش‌لار دموکراسی نؤبه‌سینی داوام ائتدیریر.
ایستانبولولدا کیسیک‌لیده دموکراسی کئشیگینی چکن بیر قروپ طلبه ژورنالیست تورک اوردوسونا سسلندی: "میدان‌لار میلته، حربی حیصه‌لر تورک اوردوسونا امانتدیر"تانک، توفنگ، قیریجی طیاره ایله قورخوداجاغینیزیمی ساندینیز؟"، "بو وطن خاین‌لردن تمیزله‌نه‌ده‌ک بیزه راحت یوخو یوخ‌دور" کیمی شعوارلار سسلندیریب داها سونرا بیانات اوخودولار.
بون‌دان باشقا ایستانبولون بؤیوک شهر بلدیه‌سی چئویریلیشه جهد زامانی شهید اولان‌لار اوچون آنیم مرایسیمی کئچیردی.
ساراچ حانا میدانیندا (15 ژوئیه شهیدلر جاده سی) تشکیل ائدیلن مراسیمده قرانی کریم‌دن آیه‌لر سسلندیریلدی، دعا‌لار ائدیلدی.
آنکارادا دا کیزیلای میدانیندا وطنداش‌لارین "دموکراسی کئشیگی" داوام ائدیر. دؤولت باشچی‌سی و باش ناظیرین 15 ژویئه چاغیریشین‌دان سونرا هر گئجه کیزیلای میدانیندا توپ‌لانان مین‌لرله اینسان فتح‌الله‌چی ترور تشکیلاتی پارالل دؤولت یاپیلانماسینا (فئتو/پ.د.ی) قارشی کسکین رئاکسیا‌لارینی دیله گتیردیلر. گمرک و تیجارت ناظیری بولنت توفک‌جی، آک پارتی‌نین بعضی میلت وکیل‌لری و پرزیدنتین باش مشاوری بولنت گئدیکلی ده میدانا گله‌رک وطنداش‌لارا دستک وئردی.
دموکراسی کئشیگی دیاربکر، مرسین، یوزگات، ائله‌جه ده اؤلکه‌نین بیر چوخ یئرلرینده آخشام ساعت‌لاریندا مرکزی میدان‌لاریندا داوام ائتدی. مین‌لرله وطنداش اللرینده تورکییه بایراق‌لاری ایله میلی ایراده‌سینی، بیرلیگینی نوماییش ائتدیردی.
