وطنداشلار بوتون تورکیهده، "دموکراسی کئشیگی"نی داوام ائتدیریر
باش ناظیر کؤمکچیسی نومان کورتولموش دا، تکیرداغداکی دموکراسی کئشیگینه تلفون وسیلهسی ایله قاتیلدی
فتح اللهچی ترور تشکیلاتینین 15 ژوئیهده کودتا چاباسیندان بو یانا، وطنداشلار بوتون تورکیهده میدانلاری ترک ائتمهیهرک، "دموکراسی کئشیگی"نی داوام ائتدیریر.
باش ناظیر بینالی ییلدیریم، بارتین ایلینده دموکراسی کئشیگی توتان وطنداشلارا تلفون باغلانتیسی ایله خیطاب ائتدی، دموکراسی نؤبتینین خیرلی اولماسینی ایستهدی.
بارتینین هر زامان دولتیندن، میللتیندن یانا اولدوغونو و 15 ژوئیه کودتا چاباسیندا دا بوتون اؤلکهده اولدوغو کیمی بارتیندان دا میللی ایرادهنین قازاندیغینی دیله گتیرن ییلدیریم، بئله داوام ائتدی:
' 15 ژوئیه، چوخ قارانلیق و اوزون بیر گئجه ایدی آنجاق کودتا تشببوسونده اولان فتو ترور تشکیلاتینین ایشچیلری بیر شئیی حساب ائده بیلمهدیلر. حساب ائده بیلمدیکلری شئی تورکیه سئودالیسی، دونیا لیدری، باشقوموتان، پرزیدنت رجب طیب اردوغان ایدی. حساب ائده بیلمدیکلری شئی، خالقین ایرادهسینی الینده ساخلایان، میللتین دستگی و دعاسی ایله ایش باشیندا اولان 65. حکومت ایدی. اؤلکهسینه، میللتینه، بایراغینا صادق، ایستیقلال عشقیله میدانلاری دولدوران عزیز میللتی حساب ائده بیلمهدیلر آنجاق ایش بیتمهدی. بیر مدت داها میدانلاردا شنلیک هاواسیندا دموکراسی کئشیگی توتماغا داوام ائدجگیک. پارتی گودمهدن جمهوریت خالق پارتیاسی، میللیتچی حرکت پارتیسی، آک پارتی، بوتون غیری-حکومت تشکیلاتلاری قناعت باشقانلاری بارتین میدانلارینی دولدوروب داشیراجاغیق. تورکیهیه، بوتون دونیایا تورک میللتینین موستقیللیک عشقینی ان یوکسک سسله قیشقیراجاغیق. '
باش ناظیر کؤمکچیسی نومان کورتولموش دا، تکیرداغداکی دموکراسی کئشیگینه تلفون وسیلهسی ایله قاتیلدی.
کودتایا قارشی میدانلاردا عبارت ایرادنی هئچ بیر زامان بؤلدورمیهجکلرینی وورغولایان کورتولموش؛
"بو میدانلار، هئچ بیر پارتینین میدانی دئییل. بو میدانلار، بوتون میللتیمیزین میدانلاریدیر. همیشه بیرلیکده بو میدانلاردا، بو ایرادهیه صاحب چیخماغا داوام ائدجگیک. آرامیزا فیتنه فساد سالماق ایستهینلره قارشی اویانیق اولاجاغیق" دئیه دانیشدی.
ایستانبولدا بوتون ساحهلرده مینلرله اینسان عینی هیجانلا "دموکراسی کئشیک"ینی توتماغا داوام ائدیر.
پرزیدنتی رجب طیب اردوغانین، "میدانلاری بوش بوراخمایین" چاغیریشینا اویان مینلرله وطنداش، یئنه تقسیمده بیر آرایا گلدی.
بیر دفعه داها مارشلار دئییلدی، دموکراسی مساژلاری وئریلدی.
یالنیز تورکلر دئییل کوتلهیه قاتیلان عربلر ده دویغولارینی دیله گتیردیلر.
ایستانبوللولارین بیر دیگر آدرسی، پرزیدنت رجب طیب اردوغانین قونوتونون اولدوغو کیسیکلییدی.
یوک ماشینییلا تقسیمه گئدن و کودتا گئجهسینین سمبول آدلاریندان شریفه بوز دا کیسیکلیدایدی.
"دموکراسی نؤبتی"نه صنعتچیلر ده دستک اولدو.
ت.ر.ت'ده نشر اولونان "دیریلیش ارتوغرول" سریالینین اویونچولاری دا کیسیکلیدا نؤبتدئیدی.
"دموکراسی نؤبتی"نین توتولدوغو باشکند آنکارادا دا خالق یئنه قیزیل آی میدانینا آخین ائتدی.
میدانی هینجا هینج دولدوران جمعیت اللرینده تورک بایراقلاری ایله دموکراسی مراسیمی یاشاتدی.
گئجهنین ایرهلیلهین ساعاتلارینا باخمایاراق یئرلرینی ترک ائتمهینلر، بؤیوک فداکارلیق نومونهسی سرگیلهدیلر.