اردوغان، باراک آراسیندا تلفون دانیشغی اولوب

تورکیه‌نین دؤولت باشچی‌سی رجب طیب اردوغانلا آمریکا پرزیدنتی باراک اوباما آراسیندا تلفون دانیشیغی اولدو.

معلوماتا گؤره آمریکا پرزیدنتی ای یولون 15- ده باش وئرمیش چئویریلیشه جهدی پیسله‌یه‌رک تورکیه‌ده دموکراتیانی دستک‌لدیک‌لرینی بیلدیردی. اوباما چئویریلیشه جهدین قارشی‌سی‌نین آلینماسیندا تورکیه خالقی‌نین قطعیت و عزم‌کارلیق گؤسترمه‌سیندن تاثیر‌لندیگینی دئدی. او بونون خالقین دموکراتیایا باغلی‌لیغی‌نین گؤستریجی‌سی اولدوغونو وورغولادی. آمریکا پرزیدنتی چئویریلیش جهد ایله باغلی آپاریلان عملیات‌لاردا امکداشلیغا حاضر اولدوق‌لارینی دا وورغولادی.

رجب طیب اردوغانلا تلفون گؤروشونده بیر داها اوبامانین دقتینه چاتدیردی کی، چئویریلیشه جهدین آرخاسیندا فتح الله چی ترور تشکیلاتی (فئتؤ) دایانیر. فتح الله گوله‌نین تورکیه‌یه اعاده‌سی‌‌نی‌ده گوندمه گتیرن اردوغان مسئله‌نین عکس اولوندوغو بوتون ایشلرله باغلی سندلر توپ‌لوسونون آمریکایا  چاتدیریلدیغینی وورغولادی.

آمریکا پرزیدنتی باراک اوباما گولن ایله علاقه‌دار سندلرین جدی شکیلده آراشدیریلاجاغینی دئدی.

ایکی طرف‌لی تلفون دانیشیغیندان سونرا آغ ائو سؤزچوسو جورش ارنست مطبوعات کونفرانسیندا تورکیه‌نین فتح الله گوله‌نین گئری قایتاریلماسینا دایر گؤندردیگی دلیل‌لر توپ‌لوسونون چاتدیغینی بیلدیردی.

جورش ارنست مسئله‌‌نین ایکی اؤلکه آراسینداکی موافیق رازیلاشما ماده‌لری و آمریکا قانون‌لارینا اساساً حل ائدیله جگینی دئدی. آغ ائو سؤزچوسو بو مسئله‌ده تورکیه‌یه ایستنیلن دستکی وئریله جگینی ده  علاوه ائتددی.

آمریکا دؤولت کاتیبی‌نین سؤزچوسو مارک تونر ایسه بیلدیردی کی، فتخ الله گوله‌نین قایتاریلماسییلا علاقه‌دار تورکیه‌نین رسمی مراجعتی‌نین آراشدیریلماسی زامان آلا‌جاق. اوندان سونرا قرار وئریله‌جک.