استانبول دا یونسکو دونیا ارث کومیتهسینین 40-جی توپلانتیسی کئچیریلیر
باش ناظر بینالی ییلدیریم قورومون بؤیوک وظیفه داشیدیغینی وورغولاییب.
باش ناظر بینالی ییلدیریم استانبولدا کئچیریلن یونسکونون دونیا ارث کومیتهسینین 40-جی توپلانتیسینین آچیلیش مراسیمینه ویدئو باغلانتی ایله قوشولدو. او قورومون بؤیوک وظیفه داشیدیغینی وورغولادی.
اوزون ایللردیر کی، موختلیف مدنیتلره ائو صاحبلیگی ائدن، ایکی قاره آراسیندا بیر دونیا شهرینه چئویریلن استانبولون آچیق هاوا آلتیندا موزئی اولدوغونو دئین باش ناظر علاوه ائتدی کی، بو تدبیرین ده استانبولدا کئچیریلمهسینین اهمیتی بؤیوکدور.
بینالی ییلدیریم بیلدیردی کی، یونسکو یارادیلدیغی گوندن دونیا مدنی ارثینی قوروماق مقصدی ایله بؤیوک ایشلر گؤروب. لاکین هله حیاتا کئچیریلمهسی واجیب ایشلر ده چوخدور.
"بیر طرفدن دونیانین بیر چوخ یئرینده داوام ائدن محاربهلر تاریخی- مدنی دیرلری محو ائدیر، دیگر طرفدن ده مدنی اینکیشاف آدی ایله کئچمیشیمیزه سؤیکنن اثرلری اؤز الیمیزله یوخ ائدیریک. بونا گؤره ده یونسکو داها بؤیوک وظیفه، مسولیتلر داشیییر. بو ایشده بئینلخالق جمعیتین ده کمکی واجیبدیر. بونون اوچون ایسه بیرلشمیش میللتلر تشکیلاتی نین رسمیلری دؤولتلرله سیخ علاقهده اولمالیدیر. استانبولدا کئچیریلن کونفرانسدا یونسکونون گلهجک فعالیت ایستیقامتینه دایر قبول ائدیلهجک قرارلارین اؤلکهمیز، همچنین دیگر دونیا دؤولتلری اوچون اهمیتلی اولاجاغینا اینانیرام. بوتون ایشتیراکچیلارا اوغورلار آرزولاییرام"-دئیه تورکیه باش ناظری چیخیشینی یئکونلاشدیریب.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.