تورک سلاح‌لی گوجلری، پ.ک.ک-یا یؤنلیک یورد ایچینده و یورد خاریجینده هاوا حرکاتی ائتدی

تورک سلاح‌لی گوجلری، بؤلوچو ترور تشکیلاتی پ.ک.ک-یا یؤنلیک یورد ایچینده و یورد خاریجینده هاوا حرکاتی تشکیل ائتدی.

دونن آخشام ساعات‌لاریندا، دیاربکیرین لیجه محلی چؤلونده حیاتا کئچیریلن هاوا حرکاتیندا، ایچری‌سینده بیر قروپ پ.ک.ک تروریستین اولدوغو سیغینما ساحه‌سی آتش آلتینا آلیندی.

هاوا حرکاتی نتیجه‌سینده یوخ ائدیلن سیغینما ساحه‌سینه باغلی ضایعات تعیین چالیشماسی داوام ائدیر.

گئجه یاری‌سی ایسه عراقین کوزئیینده اولان سینات، هفته‌نین و متینا بؤلگه‌لرینه، مرز خاریجی هاوا حرکاتی تشکیل ائدیلدی.

حرکاتدا، سیغینا‌جاق و نظارت نقطه‌سی اولدوغو تثبیت ائدیلن 5 هدف وورولدو.

عملیاتا باغلی ده ضایعات  تعیین ائلمه چالیشماسی داوام ائدیر.

دیگر طرف‌دن، سوریه‌نین قوزئینده تورکیه‌یه یؤنلیک سالدیری حاضیرلیغیندا اولدوغو اؤیرنیلن کاتیوشا، هاوان و سلاح موقعیت‌لردن عبارت هدف‌لر، آتش آلتینا آلیندی.

فیرتینا اوبوسلرینجه ائدیلن آتیش‌لارا، کوالیسیون گوجلری ده هاوا حرکاتی ایله دستک وئردی.

عملیات نتیجه‌سینده، هدف‌لرین یانیندا بیر ده ساوونما موضع‌سی یوخ ائدیلدی.

عملیات‌لاردا، ایلک بیلگیلره گؤره 8 ده داعش‌لی تروریست اؤلدورولدو.