خائین ترور بو دفعه ماردینده اورتایا چیخدی
شهرستانداکی ژاندارما پولیس بؤلمهسی قوموتانلیعینا پ.ک.ک.لی تروریستلر طرفیندن کئچن آی تشکیل ائدیلن بومبالی سالدیریدا 3 شهید وئریلمیشدی
خائین ترور بو دفعه ماردینده اورتایا چیخدی.
میدیات منطقهسینده امنیت مودیرلیگی بیناسینا تروریستلرجه بومبا یوکلو ماشین ایله تشکیل ائدیلن سالدیریدا ایلک بیلگیلره گؤره 2 قادین پولیس شهید اولدو، 2 سیویل اؤلدو.
سالدیریدا 34 نفر ده یارالانیب.
پارتلامانین شدتی ایله، آرالاریندا پولیس لوژمانلارینین دا اولدوغو اطراف بینالاردا، بؤیوک مادی زیان میدانا گلدی.
بؤلگهیه تقویه بیرلیکلر سوق ائدیلدی.
شهرستانداکی ژاندارما پولیس بؤلمهسی قوموتانلیعینا پ.ک.ک.لی تروریستلر طرفیندن کئچن آی تشکیل ائدیلن بومبالی سالدیریدا 3 شهید وئریلمیشدی.
پرزیدنت رجب طیب اردوغان، سالدیرینین درحال آردیندان آختاردیغی ایچ ایشلر ناظیری افکان آلادان معلومات آلدی.
ماردین اوستانداری کؤمکچیسی ارکان چاپارلا دا بیر تلفون گؤروشمهسی ائدن پرزیدنت اردوغان، اینکیشافلاری یاخیندان تعقیب ائدیر.
باش ناظیر بینالی ییلدیریم دا، سالدیرینین فعاعلینین ترور تشکیلاتی پ.ک.ک اولدوغونو سؤیلهدی.
دونن ایستانبولدا 6 پولیس ایله 5 وطنداشین حیاتینی ایتیردیگی بومبالی ترور سالدیری سیندا یارالانانلاری معالیجه گؤردوکلری خستهخانادا زیارت ائدن ایلدیریم، بورادا ائتدیگی آچیقلامادا، ترورون، دولته و میللته دیز چؤکدورمیهجگینی وورغولادی.
بینالی ییلدیریم،
"میللتیم بونو بیلسین کی؛ تورکیه جمهوریتی دولتی گوجلودور، تورک میللتی بیر و برابردیر. اصلا نه میللتیمیزی ییلدیرابیلیرلر نه ده بو بؤیوک دولتی هئچ بیر شکیلده بو شرفلی موباریزهدن، بو گلهجک موباریزهسیندن، ایستیقلال موباریزهسیندن دؤندورهبیلرلر." دئدی.
باش ناظیر، ایستر شهرده ایستر حومهده ترورون تورکیهنین گوندمیندن چیخماسی اوچون گوونلیک گوجلری و وطنداشلارین بیر بدن اولاراق گئجه گوندوز بو آمانسیز موباریزنی داوام ائتدیرهجکلرینی سؤیلهدی.
ییلدیریم،
"یالنیز ترور قروپلارینا قارشی دئییل اونلارین ایچریدن و چؤلدن آرخالارینی سیوازلایان، دستک وئرن بوتون عنصورلارا دا عینی شکیلده تعویضسیز لازیم اولان هر شئیی ائدجگیک." دئیه دانیشدی.