1915-جی ایلدکی حادثه‌لرله باغلی لاییحهنین آلمان مجلیسینده قبول ائدیلمه‌سینه تورکیه دن اعتراض گلدی
باش ناظیر بینا‌لی ییل‌دیریم ایسه، آلمانیا‌داکی سس وئرمه‌نین آردین‌دان، برلین‌دکی تورک بوگوک ائلچیسی‌نین موشاویره اوچون گئری چاغیریلدیغینی آچیقلادی
تورکیه پرزیدنتی رجب طیب اردوغان، 1915-جی ایلدکی حادثه‌لرله باغلی ارمنی ادعا‌لارینا باغلی قرار لاییحه‌سی‌نین آلمان مجلیسینده قبول ائدیلمه‌سی‌نین، بو اؤلکه ایله علاقه‌لری جدی معنادا تأثیر ائده‌جگینی سؤیله‌دی.
رسمی بیر زیارت اوچون کنیادا اولان پرزیدنت، تورکیه‌یه دؤندوک‌دن سونرا آتیلا‌جاق آددیم‌لاری دگرلندیرجگینی ایفاده ائده‌رک، خاریجی ایشلر ناظیرلیگی مسئول‌لاری ایله موضوعنو اطراف‌لی شکیلده اینجه‌لیه‌جگینی ایفاده ائتدی.
باش ناظیر بینا‌لی ییل‌دیریم ایسه، آلمانیا‌داکی سس وئرمه‌نین آردین‌دان، برلین‌دکی تورک بوگوک ائلچیسی‌نین موشاویره اوچون گئری چاغیریلدیغینی آچیقلادی.
ییل‌دیریم، آلمان مجلیسین‌دن کئچن 1915-جی ایلدکی حادثه‌لرله باغلی ارمنی ادعا‌لارینا باغلی قرار لاییحه‌سینی، تورکیه‌نین اصلا قبول ائتمدیگینی وورغولادی.
باش ناظیر:
"بیزیم کئچمیشیمیز بللی. بو سهو بیر قرار" دئیه دانیشدی.
باش ناظیر کؤمکچی‌سی نومان کورتولموش دا قبول ائدیلن لاییحهنین تورکیه اوچون یوخ حؤکمونده اولدوغونو سؤیله‌دی.
کورتولموش، "تحریف ائدیلمیش و اساس‌سیز ادعا‌لارین قبولو تاریخی بیر سهو‌دیر" دئیه ائده‌رک، بو وضعیته هر پلاتفورمادا لازیم اولان جوابین وئریله‌جگینی قید ائتدی.
خاریجی ایشلر ناظیری مولوت چاووش اوغلو ایسه قرارا اعتراض گؤستره‌رک؛
"اؤز قاران‌لیق صحیفه‌لرینی مسئولیت‌سیز و سندسیزجه باشقا اؤلکه‌لرین تاریخینی قارالایاراق قاپاتامازلار" دئدی.
عدالت و قالخینما پارتیسی سؤزچوسو یاسین آکتای ایسه بو گلیشمه ایله، آلمان ایله علاقه‌لرین جدی زیان گؤردوگونو سؤیله‌دی.
آکتای؛
"آلمان پارلامنتی‌نین قراری دوستانه بیر توتوم دئییل. علاقه‌لره جدی زیان وئرمیش‌دیر" دئیه دانیشدی.
جمهوریت خالق پارتیسی میللت وکیلی باریش یارکاداش، آلمان فدرال مجلیسی‌نین قبول ائتدیگی قرار لاییحه‌سینی؛
"بو قرار یوخ حؤکمونده‌دیر. پارلامئنت‌لر، بو جور تاریخی حادثه‌لرله علاقه‌دار قرار آلماق‌دان ایمتینا ائتمه‌لی‌دیر." دئیه قیمتلندیردی.
دیگر طرف‌دن، تورکیه بؤیوک میللت مجلیسی (TBMM)، آلمان پارلامنتی‌نین قرارینی پیسله‌ین بیرگه بیانات یایینلامایا حاضرلانیر.
آلمان فدرال مجلیسی، ارمنی‌لرین 1915 حادیثه‌لریله علاقه‌دار ادعا‌لارینی ' سویقیریم اولاراق قبول ائدن لاییحه‌نی قبول ائتمیشدی.
سس وئرمه‌یه باش ناظیر آنگلا مرکل‌ین قاتیلماماسی دقت چکدی.
آنجاق مرکل، سس وئرمک‌دن قیسا بیر مدت سونرا ائتدیگی آچیقلامادا "تورکیه ایله گئنیش و گوجلو علاقه‌لریمیز وار" سؤزلرینی ایستیفاده ائتدی.
بو آرادا، آلمان‌ین آنکارا سفیری، خاریجی ایشلر ناظیرلیگینه چاغیریلدی.
ایلگیلی‌لی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-ده‌کی سون وضعیتی موذاکیره ائدیب‌لر.
