اردوغان گئری قبول راضیلاشماسی ایله باغلی اوروپا اؤلکه‌لرینه رست چکدی

تورکیه پرزیدنتی رجب طیب اردوغان گئری قبول راضیلاشماسی ایله علاقه‌دار اوروپا اؤلکه‌لرینه رست چکدی ..

اردوغان، دونیا اینسانی ایجلاسی چرچیوه‌سینده بیرلشمیش میللت‌لر تشکیلاتی‌نین (بمت) باش کاتیبی بان کی-مون ایله تشکیل ائدیلن اورتاق مطبوعات کونفرانسیندا، اوروپا بیرلیگی‌نین تورکیه‌دکی گؤچمن‌لر اوچون وئرمگی تعهد دستگی گئجیکدیرمسینه اعتراض گؤستره‌رک،

"تورکیه لوطف گؤزلمیر. بونو آچیق آچیق سؤیلدیم. بیز دوروستلوک گؤزلییریک." ایفاده‌لرینی ایستیفاده ائتدی.

تورک وطنداش‌لارینا ویزا معافیتی اوچون سؤیکه‌دیلن ترور قانونو دییشیک‌لیگی کیمی معیارلارا ده آغیر چیخان اردوغان؛

"تورکیه‌یه قارشی هله معیار قویورسونوزسا، قوصورا باخمایین. بونا بیر یئره قدر دؤزوم ائدیلیر. سونرا دا تورکیه سون قرارینی وئریر. یئکون قرارینی وئردیک‌دن سونرا گئری‌سینی 'سیز دوشونون دئییریک. "دئیه دانیشدی.

معیار دایاتماسییلا علاقه‌دار تورکیه‌نین ناظیرلر سویه‌سینده اوروپا بیرلیگی مسئول‌لاریله دانیشیق‌لار ائده‌جک‌لرینه ایشاره ائدن اردوغان؛

"بو دانیشیق‌لاردا نتیجه آلینمادیغی تقدیرده تورکیه پارلامنتین‌دن گئری قبول راضیلاشماسینی تطبیق مدتینه یؤنلیک آددیم آتیلماسینا عایید قرار، قانون چیخماز. بیزه ایکیده بیر معیار دایاتماسین‌لار، بورا تورکیه. "دئدی.

پرزیدنت اردوغان، ویزا معافیتی اوچون تطبیق اولونان ایکی‌لی ایستانداردی دا تنقید ائده‌رک؛

"لاتین آمریکا‌دان ویزا ایستنیر می؟ اونلار راحت‌لیقلا گلیرلر، ویزاسیز اولا‌راق اوروپا بیرلیگی عضوو اؤلکه‌لره گیریرلر ده تورکیه‌دن نیه ویزا ایستییرسینیز." شکلینده اعتراض گؤستردی.