آک پارتیده 3. باشقانی سئچیلیر
پرئزیدئنتی رجب تایییب اردوغان، "پرزیدنتی آندی ائتدیگیم گون، آک پارتی ایله حقوقی باغیم کسیلمیش اولا بیلر، اما سیزلرله کؤنول باغیم هئچ بیر زامان کسیلمه‌دی، اینشالله هئچ بیر زامان دا کسیلمه‌یه‌جک." دئدی.
تورکیه‌نی تخمینن 14 ایلدیر فاصیله‌سیز ایداره ائدن عدالت و قالخینما پارتیسی‌نین (آک پارتی) 2. فوق ا‌لعاده بؤیوک کونگره‌سینده 3. باشقانی سئچیلیر.
آک پارتی‌دن، 2. فوق ا‌لعاده بؤیوک کونگره، آنکارا آرئنا ایدمان سالونوندا ائدیلیر.
کونگره اوچون 6 مین دوتنامه و مین 470 نماینده کارتی باسیلدی.
پرئزیدئنتی رجب تایییب اردوغان،
"پرزیدنتی آندی ائتدیگیم گون، آک پارتی ایله حقوقی باغیم کسیلمیش اولا بیلر، اما سیزلرله کؤنول باغیم هئچ بیر زامان کسیلمه‌دی، اینشالله هئچ بیر زامان دا کسیلمه‌یه‌جک." دئدی.
اردوغانین مساژی، آک پارتی 2. فوق ا‌لعاده بؤیوک کونگره‌سینده اوخوندو.
اردوغان مساژیندا،
"حؤرمت‌لی دیوان آک پارتی‌نین حؤرمت‌لی باشقانی، کونگره‌یه قاتیلان قیمت‌لی قوناق‌لار، سیاسی حیاتیم بویونجا بیرلیکده یول گئتدیگیم، موباریزه ائتدیگیم، نیجه اوغورلارا بیرلیکده ایمضا آتدیغیم قیمت‌لی قارداش‌لاریم، خانیم‌لار، بی افندیلر و سئویملی گنج‌لر، سیزلری ان اوریی دویغولاریملا حؤرمتله، محبتله، حسرتله سالاملاییرام. آک پارتی 2. فوق ا‌لعاده بؤیوک کونگره‌نین باشاریلی کئچمه‌سینی دیلییرم. آک پارتی کادرلاری‌نین توجه ایله سئچیله‌جک یئنی باشقانی و پارتی رهبرلیک اورقان‌لاریندا مسئولیت بوینونا گؤتوره‌جک یولداش‌لاریمی ایندی‌دن تبریک ائدیرم. قورولدوغو گون‌دن بری قدری اؤلکه‌نین طالعی ایله قایناشان بیر حرکته چئوریلن آک پارتی اوچون بو کونگره‌یه بیر دؤور تسلیم آنی، گوج و موتیواسیون تازه‌لنمسی اولا‌راق گؤرورم. " ایفاده‌لرینی ایستیفاده ائتدی.
آک پارتی باشقانی و باش ناظیر احمد داوود اوغلو دا، آک پارتی کونگره‌نین وداع دئییل وفا کونگره‌سی اولدوغونو سؤیله‌دی.
داوود اوغلو؛
"مقام‌لارا، موقعیتلره، صندللره وداع ائدیریک قارداش‌لاریم اما عهدیمیزی، پرینسیپ‌لریمیزی، داوامیزا اصلا وداع ائتمریک." دئدی.
باش ناظیر داوود اوغلو،
"بیز احده وفانی هر شئیین اوزرینده ساخلادیق. بیز موقتی گوندم‌لرین دئییل قالیجی دگرلرین آرخاسینداییق. نه یول‌دان ساپار نه یول‌داکی تله‌لره دوشریک نه ده اوفوقوموزو، داوامیزی، عشقیمیزی، سئودامیزی اونوداریق." دئیه دانیشدی.
کونگره‌ده آک پارتی‌نین "آ" تیمی ده دییشه‌جک، مرکز قراز یوروتمه قورولو و مرکز یوروتمه قورولو عضو‌لری ده سئچیله‌جک.
کونگره سونراسی باش ناظیر احمد داوود اوغلو، پرزیدنت اردوغانا ایستعفاسینی تقدیم ائده‌جک و حکومت قورما پروسه‌سی باشلایا‌جاق.
ایلگیلی‌لی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی
