اوروپایا عضولوک موذاکیره‌لرینده اقتصادی و پول سیاست فصلی آچیلدی

اوروپا بیرلیگی ایله عضولوک موذاکیره‌لرینده 17 نؤمره‌لی اقتصادی و پول سیاست فصلی بروکسل‌ده آچیلدی.
بروکسل‌ده کئچیریلن حکومتلرآراسی قاتیلیم کونفرانسی‌نین 11. کونفرانسیندا 17 نؤمره‌لی اقتصادی و پول سیاست فصلی موذاکیره‌لره آچیلدی. بئله‌لیکله تورکیه‌نین اوروپا بیرلیگ قاتیلیم موذاکیره‌لرینده آچیلان فصل سایسی 15 اولدو.
توپلانتییا تورکیه آدینا اوروپا بیرلیگی ایله موذاکیره هیاتی باشقانی اوروپا بیرلیگی ناظیری و باش موذاکره‌جی وولکان بوزکیر، اقتصاد‌دان مسئول باش ناظیر معاوینی محمت شیمشک و خاریجی ایشلر ناظیری مئولوت چاووش اوغلو، اوروپا بیرلیگی شوراسی‌نین آدینا ایسه دؤور باشقانلیغینی ایجرا ائدن لوکزامبورگ خاریجی ایشلر ناظیری ژان آسلبورن قاتیلدی.
آچیلان بو فصل، اوروپا بیرلیگی‌نین اقتصادی سیاست، سربست رقابته اساس‌لانان آچیق بازار اقتصاد پرینسیپی اساسیندا رقابت گوجونون آرتیریلماسی، اینوواسیونون تشویقی، داواملی اینکیشافین تامین ائدیلمه‌سی، بؤیومه و ایستیخدامین آرتیریلماسی کیمی اورتاق هدف‌لر ایستیقامتینده عضو اؤلکه‌لرین اقتصادی سیاستی‌نین اویوملاشدیریلماسینی ایچه‌ریر. پول سیاست چرچیوه‌سینده ایسه قیمت ثابت‌لیگی‌نین محافظه هدف قویان تک پول سیاستی‌نین حیاتا کئچیریلمه‌سی پلانلاشدیریلیر.
اقتصاد‌دان مسئول باش ناظیر معاوینی محمت شیمشک، تورکیه‌نین اوروپا بیرلیگینه ایچ ایچه باغلی اولدوغونو و تام عضولوک اوچون لازیم اولان نئیسه ائتمه‌یه حاضیر اولدوغونو سؤیله‌دی. شیمشک، مرکز بانکی‌نین موستقیل‌لیگینی گوچلندیرمک و تشکیلاتی آلت یاپیسینی تکمیللشدیریلمه‌سی قرارلی اولدوق‌لارینی ایفاده ائتدی.
خاریجی ایشلر ناظیری مئولوت چاووش اوغلو دا،
"ایکی ایل سونرا بیر فصلی آچیلماسی، سمبولیک دگری یوکسک بیر اینکیشاف. بو یالنیز تورکیه و اوروپا بیرلیگی اوچون دئییل، بوتون بؤلگه اوچون چوخ اهمیت‌لی" دگرلندیرمه ائتدی.
اوروپا بیرلیگی ناظیری وولکان بوزکیر؛
"تورکیه‌نین اوروپا بیرلیگی ایله عضولوک موذاکیره‌لرینده انرژی، محکمه و اساس حقوق‌لار، عدالت، آزادلیق و گوونلیک، تحصیل و مدنیت ایله خاریجی، گوونلیک و ساوونما سیاستی‌نین سرعتله آچیلماسی بیزه گؤره بیر ضرورت" دئدی.