913 خاریجی تروریست ساواشچی یاخالاندی
آلینان ائتکیلی تدبیرلر نتیجه‌سینده داعش ترور هؤرگوتو منسوبلاریندان توتولان‌لارین ساییسیندا اؤنملی آرتیش یاشاندی
تورکیه‌نین ترور هؤرگوتو داعش ایله مباریزه‌سی چرچیوه‌سینده، 1 ژانویه 2015دن بو یانا سرحدلردن قانون‌سوز گئچمه‌یه چالیشان 54 اؤلکه‌دن 913 خاریجی تروریست ساواشچی یاخالاندی.
تورکیه‌نین قورو سرحدلری و ژاندارما مسئولیت بؤلگه‌لرینده آلینان ائتکیلی تدبیرلر نتیجه‌سینده داعش ترور هؤرگوتو منسوبلاریندان توتولان‌لارین ساییسیندا اؤنملی آرتیش یاشاندی.
ترور هؤرگوتو عضو‌لری‌نین تورکیه سرحدینده یاخالانما‌لاریندا، سرحدلرده آلینان تهلوکه‌سیزلیک تدبیرلری، فیزیکی گوونلیک سیستم‌لرین‌دکی یاخشیلاشدیرمالار، سرحد بیرلیک‌لری و ژاندارما عنصورلاری ایله باشقا اورگان‌لار آراسین‌داکی کووردیناسیونون آرتماسی ائتکیلی اولدو.
توتولان‌لارین ساییسی، ژانویه-می دؤورونده 349 ایکن، ژوئن-دسامبر دؤورونده 564 نفره چاتدی.
سرحده یاخین بؤلگه‌لردکی، هؤرگوته قارشی هاوا و قورو سالدیریلاری نتیجه‌سینده، نوامبر و دسامبر آیلاریندا توتولان تروریست ساییسی 108 نفره چاتارکن، توتولان هؤرگوت عضو‌لری‌نین 478ی‌نین تورکیه‌یه، 435ی‌نین سوریه‌یه گئچمه‌یه چالیشدیغی، یاخالاما‌لارین کیلیس/ ائل‌بی‌لی بؤلگه‌سینده سیخلاشدیغی تعیین ائدیلدی.
توتولان داعش منسوب‌لاری‌نین، سیلاح، تجهیزات و ایستیفاده ائتدیک‌لری سمبول‌لاردان آریندیریلدیغی، گئچیش گیریشیم‌لرینده اوستلرین‌دن اؤزلیکله پول، هوجوم گئییمی، جیب تلفنو و بیلگی‌سایار کیمی ماتریال‌لارین چیخدیغی تعیین اولوندو.
آلینان تدبیرلر، سرحد خطینده کشف و گؤزلملرین آرتماسی، سرحد خطینه اینشا ائدیلن بتون دووار، تئل انگلی و خندک‌لر گئچیش‌لری چتینلشدیردی.
ایلگیلی‌لی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی
