اردوغان: هاوا ساحهمیزی پوزانلار عذر ایستهسین
اردوغان، روسیانین، سوریهده داعش ایله موباریزه ایچینده اولمادیغینا، تام عکسینه، ایلیملی موخالیفلری وورماقدا اولدوغونا ایشاره ائتدی
پرزیدنت رجب طیب اردوغان، تورک هاوا ساحهسینی پوزان روس ساواش اوچاغینین دوشورولمهسینه باغلی، عذر ایستهمهسی لازیم اولان طرفین اؤزلری دئییل، پوزوانلار اولدوغونو سؤیلهدی.
اردوغان، سیانان اینترنشنیل تلویزیون کانالیندا قازئتهچی بکی آندرسونون سواللارینی جاوابلادی.
دوشورولن اوچاغین 5 دقیقه ایچینده 10 دفعه اویاریلدیغی و جاواب آلیناممادیغینین سس قیدلرینده ده مؤوجود اولدوغونو وورغولایان اردوغان،
"اویاریلارا باخمایاراق، تورک هاوا ساحهسیندن ایچری گیردیگی رادار قیدلرینده ده مؤوجود. بونلار دونیایا گؤستریلدی" دئدی.
روسیا ایله تورکیه آراسینداکی ایلیشکیلرین استراتژیک اولماسی سببیله حادثهنین اؤزونو اوزدوگونو ایفاده ائدن اردوغان، چوخ ساییدا اؤلکهنین روسیایا تحریم اویقولادیغی دؤورده تورکیهنین بو اؤلکهیه هر جور قیدا احتیاجینی گؤندردیگینی ایفاده ائتدی.
اردوغان، روسیانین، سوریهده داعش ایله موباریزه ایچینده اولمادیغینا، تام عکسینه، ایلیملی موخالیفلری وورماقدا اولدوغونا ایشاره ائتدی.
روسیانین داعشین نفتینی تورکیهنین ساتین آلدیغی یولونداکی چیرکین آچیقلاماسینا دا توخونان اردوغان،
"بو بیزه قارشی چوخ بؤیوک سایقیسیزلیقدیر. کیمسه بیزی داعشدن نفت آلیر دئیه اتهام ائدهبیلمز. بونلار قاچاقچیلار، بونلاری بیز یاخالاریق و ال قویاریق. اولایین اصلی بودور" دئدی.
اردوغان، اولایین اولدوغو گون روسیادان گؤروشمه طلب ائتدیکلرینی و هله گئری دؤنوش اولمادیغینی دا بیلدیردی.
اردوغان، فرانس 24 تلویزیون کانالینا وئردیگی مصاحبهده ده،
"بونو بیر ساواش سببی اولاراق سایماق مومکون دئییل. بو بوتون خالقلارین آنگاژمان قوراللارینین اتوماتیک ایشلمهسینین نتیجهسیدیر" دئدی.
اردوغان، روسیا و ایرانین سوریهده رژیمله بیرلیکده حرکت ائتدیگینی، اسده هر جور دستگی وئردیکلرینی، آنجاق داعشه قارشی مباریزه وئرمدیکلرینی سؤیلهدی.
"سوریهده داعشه قارشی مباریزه و اسدین گئدیشی پارالل یوروتمهلی" دئین اردوغان "سوریه سرحدینی داعشدن تمیزلمک اوچون آمریکا ایله اورتاق حربی عاملیاتین داوام ائتدیگینی" ده وورغولادی.
سوریه طرفینده تروردان آریندیریلمیش گوونلی بیر بؤلگهیه شبهه ایله باخیلماماسی لازیم اولدوغونو ده ایفاده ائدن اردوغان، گوونلی بؤلگهیه شبهه ایله باخارسانیز، تورکیه اولاراق من نه ائدهجهیم؟ من هارا قدر گلن کؤچمنلری آلاجاغام؟ " دئدی.