ایسماعیل قهرمان، تورکیه بؤیوک میللت وکیلی صدری سئچیلدی

آک پارتی ایستانبول میللت وکیلی ایسماعیل قهرمان، تورکیه بؤیوک میللت وکیلی صدری سئچیلدی.
تورکیه بؤیوک میللت وکیلی عمومی قورولوندا 3. توردا 316 رای آلا‌راق مجلیسین یئنی صدری اولان قهرمان، 1995 و 1999-جو میللت وکیلی عمومی سئچیم‌لرینده 20 و 21. دؤورلرده ایستانبول میللت وکیلی اولا‌راق مجلیسده یئر آلدی.
1996-1997-جی ایللرده 54. "رفاه-یول حکومتی"نده مدنیت ناظیری اولان قهرمان، آک پارتی مرکز دیسیپلین هیاتی قورولو-باشقانی اولدو.
قهرمان، 1 نوامبر سئچیم‌لرینده، آک پارتی‌دن اوّلکی ایللرده جمهور باشقانی رجب طیب اردوغانین نامیزد گؤستریلدیگی ایستانبول 1. بؤلگه بیرینجی سیرا میللت وکیلی سئچیلدی.
تورکیه بؤیوک میللت وکیلی صدری قهرمان، ائتدیگی تشککور چیخیشیندا، تورکیه بؤیوک میللت وکیلی باشقانلیغی کیمی اوجا بیر وظیفه‌نی تهویل آلاراق اونا گؤستریلن اعتمادا تشککورلرینی تقدیم ائتدی.
قهرمان، بو دؤورده ائده‌جک‌لری ایشلرین میللتین ریفاهینا، حضورونا، خوشبخت‌لیگینه، دولتین هر یؤندن داها دا اینکیشافینا قاتقی تامین ائتمه‌سینی خواهیش ائتدی.
جمهورباشقانی رجب طیب اردوغان، تورکیه بؤیوک میللت مجلیسی باشقانلیغینا سئچیلن ایسماعیل قهرمانا تلقراف گؤندره‌رک، تبریک ائتدی و باشاری دیلک‌لرینی چاتدیردی.
باش ناظیر احمد داوود اوغلو دا اجتماعی پایلاشما سایتی توییتردکی حسابین‌دان ائتدیگی پایلاشیمدا، "بو ادعایا بؤیوک خیدمت‌لر ائتمیش ایستانبول میللت وکیلی حؤرمت‌لی ایسماعیل قهرمان بی افندی‌نین تورکیه بؤیوک میللت وکیلی باشقانلیغینا سئچیلمه‌سی موناسیبتیله تبریک ائدیرم" ایفاده‌سینی ایستیفاده ائتدی.