اردوغان: تورکیه‌ ترورون هر نوعونا قارشی

تورکیه جمهور باشقانی رجب طیب اردوغانین ائو صاحب‌لیگینده آنتالیادا گئچیریلن G20 ایجلاسیندا لیدرلر آخشام یئمگینده بیر آرایا گلدی.
مطبوعاتا باغلی گئچیریلن "قلوبال سیناما‌لار: تروریزم و مهاجیر بحرانی" باشلیق‌لی ایش یئمگی، تخمینن 3 ساعات داوام ائتدی.
الده ائدیلن معلوماتا گؤره، دانیشیق‌لاردا، پاریس‌دکی سالدیری‌لارین تروریزمین قلوبال بیر مسئله اولدوغونو آچیقجا اورتایا قویدوغو ایفاده ائدیلدی.
جمهور باشقانی اردوغان دا ایش یئمگی اثناسیندا ائتدیگی دانیشمادا، 1970-جی ایللردن اعتباراً ترور سالدیری‌لارینا معروض قالان تورکیه‌نین، ترورون هر نوعونا قارشی اولدوغونو و ترورلا موباریزه موضوعسوندا قاطعیت‌لیغینی وورغولادی.
تورکیه‌نین بحران بؤلگه‌لرین‌دن سوریه ایله 911 کیلومتر، عراق ایله 384 کیلومتر اوزونلوغوندا بیر مرزی پایلاشدیغینا دقتی چکن اردوغان، موتتفیق اؤلکه‌لر آراسین‌داکی امکداش‌لیق، بیلگی و کشفیات پایلاشماسی‌نین داها دا گوجلندیریلمه‌سی لازیم اولدوغونا توخوندو.
اردوغان، پ.ک.ک، پ.ی.د و داعش کیمی تشکیلات‌لارین هر بیری‌نین ترور تشکیلاتی اولدوغونو خاطیرلادا‌راق، بون‌لارین بیر-بیرلریله موباریزه ائتمه‌لری‌نین ترور تشکیلاتی اولدوق‌لاری حقیقتینی دگیشدیرمه‌یه‌جگینی ایفاده ائتدی.
دولت و حکومت باشقانلاری موضوعیا باغلی ائتدیک‌لری چیخیش‌لاردا، ایسلام ایله ترورون بیر-بیریله ایلیشکیلندیریلممسی لازیم اولدوغونا توخونارکن، جمهور باشقانی اردوغان دا بو باره‌ده ایسلام اؤلکه‌لرین‌دکی سیاسی لیدرلره بؤیوک وظیفه دوشدوگونو سؤیله‌دی.
کؤچمن بحرانی ایله باغلی اولا‌راق ایسه اولوسلار آراسی جمعیتین، نتیجه‌لرله مشغول اولارکن سبب‌لری گؤز آردی ائتممه‌سی لازیم اولدوغونا ایشاره ائدیلدی.
مسئولیت و یوک موبادیله‌سی پرینسیپی چرچیوه‌سینده، پروبلم‌لرین اصل سبب‌لرینی اورتا‌دان قالدیرا‌جاق حل‌لر چیخارمانین اهمیت‌لی اولدوغو ایفاده ائدیلدی.
جمهور باشقانی اردوغان، سوریه و عراق‌دان گلن اینسان‌لارین دراملارییلا تخمینن 5 ایلدیر اوز-اوزه اولدوغونا ایشاره ائتدیگی تورکیه‌نین، هله ده 2،5 میلیون جیواریندا سوریه‌لی و عراق‌لی‌نین قوناق ائتدیگینی ده ایضاح ائتدی.