احمد داوود اوغلو G20 ایجلاسی چرچیوه‌سینده لیدرلرله گؤروشدو
داوود اوغلو دا تورکیه و سعودی عربیستان ایلیشکی‌لری‌نین اینکیشاف ائتدیریلمه‌سی‌نین اؤنجه‌لیک هدف اولدوغونو ایفاده ائده‌رک یاخین گله‌جکده بو اؤلکه‌نی زیارت ائتمگی نظرده توتدوغونو ایفاده ائتدی
باش ناظیر احمد داوود اوغلو G20 ایجلاسی چرچیوه‌سینده لیدرلرله بیر آرایا گلیر.
داوود اوغلو، ایلک اولا‌راق سعودی عربیستانی کرا‌لی سلمان بین عبدالعزیز ال سعود ایله گؤروشدو.
سعودی کرال، سئچیم ظفرین‌دن اؤتورو داوود اوغلونون قوتلایاراق، اؤزونه یئنی وظیفه دؤورونده اوغورلار دیله‌دی و ایکیطرف‌لی امکداشلیغین آرتیریلماسینی خواهیش ائتدیگینی سؤیله‌دی.
داوود اوغلو دا تورکیه و سعودی عربیستان ایلیشکی‌لری‌نین اینکیشاف ائتدیریلمه‌سی‌نین اؤنجه‌لیک هدف اولدوغونو ایفاده ائده‌رک یاخین گله‌جکده بو اؤلکه‌نی زیارت ائتمگی نظرده توتدوغونو ایفاده ائتدی.
باش ناظیر داوود اوغلونون، آلمان همکاری آنگلا مرکل ایله گؤروشمه‌سینده، تورکیه ایله اوروپا بیرلیگینی اؤنوموزدکی دؤورده گؤزله‌ین اینکیشاف‌لار، تروریزمله موباریزه و گؤچمن‌لر موضوعسو اؤنه چیخدی.
باش ناظیر داوود اوغلو، اوروپا بیرلیگی ایله موذاکیره‌لرین جانلاندیریلماسی گؤزلمه‌لرینی وورغولارکن اؤنوموزدکی دؤورده گئنیش اصلاحات‌لارین گوندمه گله‌جگینی ایفاده ائتدی.
آلمان باش ناظیری آنگلا مرکل ده، تورکیه ایله گؤچمن بحرانی، اوروپا بیرلیگی موذاکیره مدتی داخیل هر ساحه‌ده امکداش‌لیغی اینکیشاف ایراده‌سینده اولدوق‌لارینی دیله گتیردی.
داوود اوغلو، اوروپا شوراسی‌نین صدری دونالد توسک ایله گؤروشمه‌سینده ده اوروپا بیرلیگی ایله یاخین ائشگودومه اؤنجه‌لیک وئرجگینی سؤیله‌دی.
توسک دا باش ناظیر داوود اوغلونون سئچیم باشاریسی اوچون تبریک ائتدی، اوروپا شوراسی اولا‌راق اؤنوموزدکی مدتده تورکیه ایله یاخین امکداش‌لیق آرزوسونو داشیدیق‌لارینی سؤیله‌ییب.
