اردوغاندان ترور دگرلندیرمهسی
"بوتون دونیایا سسلنیرم. تورکیهنی بؤلمک سیزه نه قازاندیراجاق"
پرزیدنت رجب طیب اردوغان ترور هؤرگوتو پکاکایا پول، سلاح و تبلیغات دستگی ساغلایانلار اؤلکهنین ایچینده دئیل دیشیندا اولدوغونو سؤیلهدی.
آنکارادا تشکیل ائدیلن 3.جو اولوسلارآراسی اومبودسمان سمپوزیوموندا دانیشان اردوغان، تورکیهده سون آیلاردا آرتان تروریست سالدیریلارا توخوندو.
ترور هؤرگوتونون خاریجی دستکچیلرینین مقصدینین تورکیهنی بؤلمک اولدوغونو وورغولایان اردوغان؛
"بوتون دونیایا سسلنیرم. تورکیهنی بؤلمک سیزه نه قازاندیراجاق. تورکیه بو بؤلگهده باریشین تأمیناتیدیر. آتدیغینیز هر آددیم بوش قالاجاق بونو بیلین. چونکو بو میلت تاریخیندن آلدیغی گوج و میراثلا بو موباریزهدن ده باشاریلی شکیلده چیخاجاق" دئدی.
پرزیدنت چیخیشیندا، دونیا گوندمینین ایلک سیرالارینا یئرلشن سیغینماچی بحرانی ایله ایلگیلی ده دگرلندیرمهلر وئردی.
تورکیهنین 2011.جی ایلده بو یانا عراق و سوریهدن 2 میلیون قوناغی قبول ائتدیگینی سؤیلهین اردوغان؛
"بونو چیخار قایغیسییلا دئییل اینسانی، اخلاقی، تاریخی و ویجدانی بیر وظیفه آنلاییشی ایله ائدیریک. ائتمهیه ده داوام ائدجییک" دئیه دانیشدی.
پرزیدنت اردوغان، باتی اؤلکهلرینین اؤز وطنداشلارینین دینجلیک و ریفاه حالینین، بؤلگهدکی باشقا گلیشمهلردن باغیمسیز اولمادیغینی گؤرمهسی لازیم ده وورغولادی.
"چاتیشمالار سوردوگو مدتجه اینسانلارین اوزونو اؤلکهلرینین دیشینا چئویرجیی آچیقدیر دئین اردوغان، سوریهلیلار یاشادیغی پروبلئمین مسئولونون ظالم اسد رژیمی اولدوغونو تکرارلادی.
چیخیشیندا ایسراییلین 3 سماوی دینین مقدس قبول ائتدیگی مسجیدی اقصیداکی اویقولامالارینین قبول ائدیلهبیلمز اولدوغونو دا وورغولایان پرزیدنت؛
"ایسراییلین سرگیلدیگی وانداللیغی قیناییرام، ایسراییل دؤولتینی و دستکچیلرینی سوروملو داورانماغا دعوت ائدیرم" دئیه دانیشدی.
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"