اردوغان: بدلینی اؤده‌یه‌جک‌لر
ترورلا مباریزه‌ده هر جور تدبیرین آلیندیغینی ایفاده ائدن جمهورباشقانی اردوغان، ترور تشکیلاتی ایله مباریزه‌نی راحاتلیغا قاپیلما‌دان داوام ائتدیره‌جک‌لرینی وورغولاییب
بدلینی اؤده‌یه‌جک‌لر"
تورکیه جمهورباشقانی رجب طیب اردوغان، "بو اؤلکه بیر نئچه چاپولچونون، تروریستین آت اویناتاجاغی اؤلکه دئییل. بونون جزاسینی، بدلینی اؤده‌یه‌جک‌لر" دئدی.
اردوغان، 30 آوقوست ظفر بایرامی مناسیبتی ایله "باش قوموتان" صیفتیله ایلک دفعه جمهورباشقانی کوللیه‌سینده وئردیگی رسپسیوندا مطبوعات منسوب‌لاری‌نین سوال‌لارینی جوابلادی.
ترورلا مباریزه‌ده هر جور تدبیرین آلیندیغینی ایفاده ائدن جمهورباشقانی اردوغان، ترور تشکیلاتی ایله مباریزه‌نی راحاتلیغا قاپیلما‌دان داوام ائتدیره‌جک‌لرینی وورغولاییب.
جمهورباشقانی، ه.د.پ-نین ترور تشکیلاتی پ.ک.ک-یا چاغیریسینی دا صمیمی بولمادیغینی ایفاده ائتدی.
موقتی ناظیرلر کابینه‌سی‌نین وظیفه ائده‌جگی مدتی ان یاخشی شکیلده دگرلندیر‌جگینه ایناندیغینی یازان اردوغان، باش ناظیر احمد داوود اوغلو ایله ائتدیگی قیمتلندیرمه‌نین نتیجه‌سینده کابینه‌نی تصدیقله‌دیگینی چونکی تورکیه‌نین ایتیره‌جک واختی‌نین اولمادیغینی سؤیله‌دی.
یوکسک سئچیم قورولونون (YSK) آچیقلادیغی سئچیم تقویمی‌نین ان گؤزل شکیلده داوام ائتمه‌سی لازیم اولدوغونو ایفاده ائدن اردوغان، کوالیسیون گؤروشمه‌لرین‌دن بیر نتیجه چیخمادیغینی و بوگونکو وضعیتین یاشاندیغینی خاطیرلاددی.
سئچیم گوونلیگینه باغلی بوتون تدبیرلرین آلیناجاغینی ایفاده ائدن اردوغان، آنایاسا دییشیک‌لیگی اولمادیغی مدتجه داشیما‌لی سس سیستمی‌نین سؤز موضوعسو اولمایاجاغینی ایفاده ائتدی.
