ایستانبول ایسلام دونیاسی گنجلیک باشکندی اولدو
ایسلام ایش بیرلیغی تشکیلاتینا (İİT) باغلی ایسلام کونفرانسی دیالوق و امکداشلیق گنجلیک فورومو (İKGF-Dİ) ایله گنجلر و ایدمان ناظرلیگی و ایستانبول بؤیوکشهر بلدیهسی ایش بیرلیگیله حیاتا کئچیریلن "ایستانبول-ایسلام دونیاسی گنجلیک باشکندی پروقرامی"، مراسیمله باشلادیلدی
ایستانبول ایسلام دونیاسی گنجلیک باشکندی اولدو
ایستانبول، ایسلام امکداشلیق تشکیلاتینین گنجلر فورومو طرفیندن 2015-2016-جی ایلین ایسلام دونیاسی گنجلیک باشکندی سئچیلدی.
ایسلام ایش بیرلیغی تشکیلاتینا (İİT) باغلی ایسلام کونفرانسی دیالوق و امکداشلیق گنجلیک فورومو (İKGF-Dİ) ایله گنجلر و ایدمان ناظرلیگی و ایستانبول بؤیوکشهر بلدیهسی ایش بیرلیگیله حیاتا کئچیریلن "ایستانبول-ایسلام دونیاسی گنجلیک باشکندی پروقرامی"، مراسیمله باشلادیلدی.
پروقرامین باشلاماسی سببیندن تمثیلی آچار تسلیم ائتمه مراسیمی تشکیل ائدیلدی. مراسیمه قاتیلانلار، ایسلام کونفرانسی دیالوق و امکداشلیق گنجلیک فورومونا عضو 56 اؤلکهنی تمثیل ائدن گنجلر طرفیندن بایراقلارلا قارشیلاندی.
مراسیمین آچیلیش دانیشماسینی ائدن ایسلام کونفرانسی دیالوق و امکداشلیق گنجلیک فورومو باش کاتیبی سفیر الشاد ایسکندروو، ایسلام جوغرافیاسیندا یاشانان ساواشلار سببیله مسلمانلارین چتین بیر دؤوردن کئچدیگینی ایفاده ائدهرک،
"گرک بؤلگهدکی رادیکالیزمین اؤنونه کئچیلمهسی گرکسه ایسلام جوغرافیاسیندا ساغلام بیر گلهجک تاسیس ائدیلمهسی اوچون گنجلره یاتیریم ائدیلمهسی لازیمدیر." دئیه دانیشدی.
ایستانبول اوستانداری واسیپ شاهین ده ایستانبولون ایسلام جوغرافیاسی باخیمیندان اهمیتلی شهرلردن بیری اولدوغونا ایشاره ائدهرک،
"56 اؤلکهنین یئکدیللیغی ایله ایستانبولون باشکند اولاراق سئچیلمهسی بیزی گورورلاندیردی." دئدی.
چیخیشلاردان سونرا، گنجلره تمثیلی باشکند ایستانسبولون آچاری وئریلدی.
پروقرام سببیندن ایستانبول، "ایسلام دونیاسی گنجلیک باشکندی" اولاراق بو ایل مختلیف فعالیتلره ائو صاحبلیگی ائدهجک، بیر چوخ اؤلکهدن مسلمان گنجلری اورتاق پروژهلرده گؤروشدورهجک.