"ارمنی دیاسپورونون بوتون مسئلهسی اینتیقام آلماق"
باشباخان احمد داووداوغلو، 1915 اولایلاریلا ایلگیلی دانیشدی
باشباخان احمد داووداوغلو، 1915 اولایلاریلا ایلگیلی اوچونجو طرفلرین مسئلهنی داواملی قاشیدیقلارینی سؤیلهدی.
اؤزل بیر تلویزیون کانالیندا گوندمه باغلی دانیشان داووداوغلو، ارمنی دیاسپورونون بوتون مسئلهسینین ده اینتیقام آلماق اولدوغونو وورغولادی.
داووداوغلو، تورکیهنین رسمی یاناشیمینین ایسه، تاریخی دوغرو آنلایاراق، سیاسته باریشجیل بیر شکیلده عکس ائتدیریب، گلهجیی بیرلیکده اینشا ائتمک اولدوغونو سؤیلهدی.
تورکلر و ارمنیلرین تاریخینین یالنیز 1915دن عبارت اولمادیغینا وورغو ائدن داووداوغلو؛
"عثمانلی تاریخینین نئجه یوروملاناجاغی اوزرینه بیر مقاله یاییملادیم، بو آندا دا بیر کیتاب چالیشمام وار. بونا قارشیلیق ارمنی دیاسپوراسی طرفیندن اونلارجا ایلدیر داوام ائتدیریلن، نسیلدن نسیله کؤچورولهرک تاریخین تک اؤلچولو آنلاتیمیلا بیر اؤفکه دیلی یارادیلیر. بو اؤفکه دیلینین بیر سئکتورو میدانا گلمیش وضعیتده" دئیه دانیشدی .
داووداوغلو؛
"بعضیلری بو یارانین قاپانماسینی ایستهمیر. بوراخسینلار بیز تورکلر، ارمنیلر اوتورور دردلشریک، هدیه آلیر وئرریک. بیرلیکده اؤز دونیامیزی کشف ائدریک" دئدی.
ارمنی وطنداشلارین تورکیهده بیر چوخ وظیفهده اولدوغونا دا دقت چئکن داووداوغلو؛
"ارمنیلر بو تورپاقلارین اصل اوشاقلاریدیر" دئدی.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی