اردوغان ایرانا گئتدی

اردوغان بیر گونلوک رسمی سفر اوچون ایرانا گئتدی.
پرزیدنت رجب طیب اردوغانین تهران سفری، اورتادوغودا گرگینلیگین دوشورولمه‌سی اوچون بیر فرصت اولا‌راق گؤرولور.
تورکیه ایله ایران آراسیندا زامان زامان سیاسی قونولاردا آیری‌لیق‌لار یاشانسا دا، هر 2 اؤلکه آراسین‌داکی دیالوگ قوپمور.
ایکی اؤلکه آراسین‌داکی اقتصادی ایلیشکی‌لر، سیاستده گرگین‌لیک‌لرین بللی بیر سویه‌نین اوزرینه چیخماسینی اؤنله‌ییر.
ایلیشکی‌لرین اؤنم‌لی اؤلچوسونو اقتصاد تشکیل ائدیر.
تورکیه‌نین ایرانا صادراتی ایلده 4 میلیارد د‌لار، ایرانین تورکیه‌یه صادراتی ایسه 10 میلیارد د‌لار دولاییندا. ایرانا یاپدیریم‌لارین قالخماسی حالیندا، بو تیجارت حجمی‌نین قات قات آرتماسی گؤزلنیلیر.
پرزیدنت رجب طیب اردوغانا ایران سفرینده بعضی باخانلار دا ائشلیک ائده‌جک.
تهراندا، تورکیه-ایران یوکسک سویه‌لی امکداش‌لیق شوراسینین 2.جی توپلانتی‌سینا قاتیلا‌جاق اولان اردوغان، قونومداشی حسن روحانی ایله ایکی‌لی ایلیشکی‌لرین بوتون اؤلچولرینی اله آلا‌جاق.
بؤلگه‌سل و اولوسلارآراسی گلیشمه‌لرین ده دگرلندیریلمه‌سی گؤزلنیلن سفرده اردوغانین، ایرانین دینی لیدئری آیت‌ الله علی خامنه‌ای ایله ده بیر آرایا گلمه‌سی گؤزلنیر.