اردوغان اسلوواکیده
اردوغان، اوچ اؤلکهنی قابسایان آوروپا تورونون ایکینجی دوراغی اسلوواکیه گئچدی
اسلوونیدهکی گؤروشمهلرینی تاماملایان پرزیدنت رجب طیب اردوغان، اوچ اؤلکهنی قابسایان آوروپا تورونون ایکینجی دوراغی اسلوواکیه گئچدی.
براتیسلاوادا قالاجاغی هتلین قارشیسیندا یوزلرجه قوربتچی تورک وطنداشی طرفیندن قارشیلانان اردوغان، تورکیهنین آرتیق دؤنوشوم ایچریسینده اولدوغونو سؤیلهیهرک، جمهورباشقانلیغی سیستمینین واجیبلیگینی وورغولادی.
اردوغان بونون اوچون سئچیمه ایشاره ائدهرک، یا 400 میلت وکیلی ایله پارلماندا بو ایشین حل ائدیلهبیلجیینی، یا دا خالقا گئدیلهبیلهجگینی سؤیلهدی.
10 آگوستداکی جمهورباشقانلیغی سئچیمینده آوروپاداکی وطنداشلار آراسیندا اوی وئرمه نیسبتینین یوزده 25 اولدوغونو خاطیرلادان پرزیدنت، 7 ژوئنده داها چوخ قاتیلیمین لازیم اولدوغونا دقت چئکدی.
چیخیشیندا، "تورکیهنین کورد پروبلئمی یوخدور" دئین پرزیدنت، بیرلیک و برابرلیک مئساژی وئردی.
اردوغان بو گون، براتیسلاوادا اسلوواکی پرزیدنتی آندره کیسکا ایله بیر آرایا گلهجک.
باش باشا و هیاتلرآراسی گؤروشمهلر سونراسی ایکی پرزیدنت، اورتاق مطبوعات کنفرانسینا قاتیلاجاق.
رسمی گون اورتا یئمییندن سونرا پرزیدنت اردوغان ایش فورومونا قاتیلاجاق.
پرزیدنت آیریجا اسلوواکی باشباخانی روبرت فیکو و میلی شورا باشقانی پتر پلگرینی ایله ده گؤروشهجک.