اردوغاندان ارمنیلره جاواب
"بیز یالنیز اؤز میلتیمیزین سون 100- 150 ایلده یاشادیغی آجیلارین آرخاسینا دوشسک ارمنی ادعالاریندان قات قات داها چوخ سؤیلهیهجک سؤزوموز، سوروشاجاق حسابیمیز چیخار"
"بیزیم وئرهممهیهجگیمیز بیر حسابیمیز یوخدور".
پرزیدنت رجب طیب اردوغان، 1915 حادثهلرینه قارشی تورکیه علیهینه ائدیلن کامپانیالاری تنقید ائتدی.
ایستانبولدا "100.جو ایلده 1.جی دونیا ساواشی بلگهلری" قونولو توپلانتیدا دانیشان پرزیدنت اردوغان، ارمنیستانی آرشیولری آچماغا چاغریسینی تکرارلادی.
اردوغان، "گلین بویرون بیزیم آرشیولریمیز، سندلر بورادا. بیزیم بو آندا یوز مینلرجه، میلیونو آشمیش تصنیفی ائدیلمیش بلگهمیز وار، سنین نه قدر بلگهن وار چیخار. تاریخچیلر، آرشیوچیلر، سیاست عالیملری، آرکئولوگلاری، حقوقچولاری گؤرهولندیرک. گلسینلر بو سندلر اوزرینده چالیشسینلار، هر شئی اورتادا. گئرچگی بئله آختاراق" دئیه دانیشدی.
پرزیدنت، ارمنیستانین اخلاقی اولمایان یوللارا باش ووراراق تورکیه علیهینه ائدجیی کامپانیالاردان بیر شئی الده ائدهبیلمهیهجیینی وورغولادی.
پرزیدنت اردوغان، بئله داوام ائتدی:
"بو قونودا هامیمیزا لازیم اولان حقیقته باشقا اؤلکهلرین سنالاریندا قرارلار چیخارداراق، مئدیالاریندا یازیلار یازدیریلاراق چاتیلماز. گئرچگین آختاریلاجاغی یئر بو آرشیولردیر اما بو گونه قدر بو چاغریمیزین قارشیلیغینی تاپابیلمهدیک. چونکو مقصد حقیقتی تاپماق دئییل، یارادیلان آلقی اوزریندن تورکیهیه هوجوم ائتمک، ضرر وئرمک. بیزیم بو قونودا کیمسهیه وئرهممهیهجگیمیز بیر حسابیمیز یوخدور. بیز یالنیز اؤز میلتیمیزین سون 100- 150 ایلده یاشادیغی آجیلارین آرخاسینا دوشسک ارمنی ادعالاریندان قات قات داها چوخ سؤیلهیهجک سؤزوموز، سوروشاجاق حسابیمیز چیخار".
ایلگیلیلی خبرلر
هاکان فیدان ناتو توپلانتیسینا قاتیلاجاق
هاکان فیدان ناتو غیری-رسمی خاریجی ایشلر ناظیرلری توپلانتیسینا قاتیلاجاق.