فیسبوک‌دا "آتاتورک معیاری"

1،4 میلیارد ایستیفادچی ساییسیلا، ان بؤیوک سوسیال شبکه اولان فیسبوکون صاحبی مارک زاکربرگ، پایلاشیلان ایچریک‌لرین دوزنلندیگی "توپلولوق استاندارد‌لارینا"، "آتاتورک معیاری" گتیردیک‌لرینی آچیقلادی.
زاکربرگ، "تورکیه‌ده آتاتورکه تحقیر ائتمک یاسادیشی. تورکیه‌نین مدنی و تاریخی دگرلری اوچون آتاتورکه حقارت ائدیلدیگینده، پایلاشیمی قالدیراجاییق‌" دئدی.
مارک زاکربرگ، فیسبوک حسابین‌دان وئردیگی آچیقلامادا، توپلولوق استاندارتلارینی، اؤلکه‌لرین مدنی و تاریخی فرق‌لری قونوسوندا داها حساس داورانابیلمک اوچون گونجلله‌دیکلرینی ایفاده ائتدی.
زاکربرگ؛
"حاضردا فیسبوکون ایستیفاده ائدیلدیگی اؤلکه‌لری تانیماغا احتیاجی وار. هر اؤلکه‌نین اؤزونه خاص ایفاده سرحدلری وار. مثلا، تورکیه‌ده آتاتورکه تحقیر ائتمک یاسادیشی. آلمانیادا نازیست‌لرین یهودی‌لری قتل ائتدیگی اینکار ائدیله‌بیلمیر و یا مسلمان اؤلکه‌لرده دینه سؤومک سوچ قبول ائدیلیر. بونا گؤره توپلولوق استاندارد‌لار یئنیله‌ندی. بو معیارلارا اویمایان تیچریک‌لری قالدیراجاییق‌" دئدی.
فیسبوک، حکومت‌لردن گئچن ایلین ایکینجی یاری‌سیندا گلن ایچریک قالدیرما طلب‌لری راپورونو دا یایینلادی.
بونا گؤره تورکیه، قالدیریلان 3 مین 624 ایچریکله، لیسته‌نین ایکینجی سیراسیندا یئر آلدی. لیسته‌نین ایلک سیراسیندا، 5 مین 832 ایچریکله هیندیستان، 60 ایچریکله ده آلمانیا وار.