اردوغان جیبوتیده
"تورکیه قاپینیزا گلیب دیلهنهجک بیر اؤلکه دئییل"
پرزیدنت رجب طیب اردوغان آفریقا تورو چرچیوهسینده ایکینجی دوراغی جیبوتیده.
اردوغان، عربیستان کرالی عبدالله بن عبدالعزیزین جنازه مراسیمی اوچون گئتدیگی ریاضدان جیبوتییه گئچدی.
پرزیدنت اردوغان و حیات ائشی امینه اردوغانی جیبوتی پرزیدنتی اسماعیل عمر غیله و حیات یولداشی قدرا محمود قارشیلادی.
پرزیدنت اردوغان اوچون رسمی قارشیلاما مراسیمی تشکیل ائدیلدی.
رسمی قارشیلاما مراسیمین آردیندان پرزیدنت اردوغان، جیبوتی پرزیدنتی اسماعیل عمر غیله ایله باش باشا گؤروشمه اوچون بیر آرایا گلدی.
هیاتلر آراسی ائدیلهجک گؤروشمهلرین آردیندان، تورکیه و آفریقا آراسینداکی علاقهلرین اینکیشاف ائتدیریلمهسی یولوندا بیر سیرا امکداشلیق آنلاشماسی دا ایمضالاندی.
ایکی لیدئر داها سونرا اورتاق بیر مطبوعات کنفرانسی تشکیل ائتدی.
مطبوعات کنفرانسیندا، سومالیدکی هوجومو دگرلندیرن رجب طیب اردوغان "ایسلام دونیاسی اوزرینده چوخ جدی بیر اویون اوینانیر، بو اویونون آدی ایسلامافوبیدیر. بو بیر ایسلام دوشمنلیگیدیر" دئدی.
پرزیدنت، ترور قونوسوندا دا "هانسی اینانجدان اولورسا اولسون تروریست قاتیلدیر، جانیدیر. مسلمانلارین ایچیندن چیخارسا یئنه قاتیلدیر، خریستیانلارین، یهودیلرین ایچیندن ده چیخارسا یئنه جانیدیر، قاتیلدیر" دئدی.
اردوغان، تورکیهنین آوروپا بیرلیگینه عضولوک پروسهسی ایله علاقهلی ده دانیشدی.
"مسلمان تورکیهنی هضم ائدهبیلجک می دئیه بیز اصلینده آوروپانی تست ائدیریک" دئین اردوغان "تورکیه قاپینیزا گلیب دیلهنهجک بیر اؤلکه دئییل. اگر قبول ائتسهلر گیرر، ائتمهسهلر اؤز یولونو اؤز بللی ائدر" شکلینده دانیشدی.
اردوغان جیبوتی پروگرامی چرچیوهسینده سون جیبوتی والیسی بورهان بیین آدینی داشییان کوچهنین یئنیلمه پروژهسیله ایلگیلی تمثیلی تمل آتما مراسیمینه ده قاتیلدی.
پرزیدنتین جیبوتیده سونراکی دوراغی مجلیس ایدی، بورادا میلت وکیللرینه خطاب ائتدی.