جعفری آنکارادا
جعفری، "تورکیه قونشوموز اولان، بؤیوک و دگر وئردیگیمیز بیر اؤلکهدیر" دئدی
آنکارادا اولان عراق خاریجی ایشلر باخانی ابراهیم جعفری، تورکیهیه وئردیکلری اؤنمه وورغو ائتدی.
تورکیهنین اؤزلری اوچون آوروپایا آچیلان قاپی اولدوغونا ایشاره ائدن جعفری، عراقین تورکیه اوزریندن آوروپایا نفت و طبیعی گاز ساتابیلهجگینی دیله گتیردی.
جعفری، آنکارادا ژورنالیستلرله بیر آرایا گلدی.
تورکیهدکی گؤروشمهلری حاقیندا بیلگی وئرن جعفری، تورکیهیه نفت ساتیشی قونوسوندا یاشانانلارا توخوندو، سفرین بؤلگهسل قونولارا باغلی اولدوغونا وورغو ائتدی.
جعفری، "تورکیه قونشوموز اولان، بؤیوک و دگر وئردیگیمیز بیر اؤلکهدیر" دئدی.
عراق کورد بؤلگهسی ایله نفت قایناقلارینین ایستیفادهسی قونوسوندا یاشانان پروبلئملره ده توخونان جعفری "کورد بؤلگهسیله اولان مسئله ایسه ایچ مئسئلهمیزدیر. بونو بیز میلی چرچیوه ایچینده اله آلیریق و او ایستیقامتده پروبلئملریمیزی چؤزمکدییک" دئدی.
مسئلهنین آنایاسا چرچیوهسی ایچینده حل ائدیلمهسی لازیم اولدوغونا دقتی چئکن جعفری، نفتین عراقین میلی ثروتی اولدوغونو و نفتدن الده ائدیلن گلیرلرین بوتون عراقلیلارا عاید اولدوغونو وورغولادی.
جعفری، "بیز بو مسئلهنی گئچمیشده اولموش بیتمیش اولاراق گؤروروک. یئنی بیر صحیفه آچاجاغیق" دئدی.
ایلگیلیلی خبرلر
هاکان فیدان، آنتونی بلینکن ایله تلفوندا دانیشیب
الده ائدیلن معلوماتا گؤره، گؤروشده غزهدهکی سون حادثهلر و اوکراینداکی وضعیت موذاکیره ائدیلیب
پکاکالی ۱۲ تروریست ضررسیزلشدیریلدی
"بؤلگهده تک بیر تروریست قالمایینجایا قدر سۆرهکلی عملیاتلارا داوام ائدجییک"