اردوغان: قیریمین الحاقینی تانیمیریق
جمهورباشقانی رجب طیب اردوغان، بالتیک اؤلکهلری تورونو استونی گؤروشمهلری ایله تاماملادی
لتونی کیمی استونی ده تورکیهنین آوروپا بیرلیگینه عضولوک پروسهسینه دستگینی تکرارلادی.
جمهورباشقانی رجب طیب اردوغان اوچون جمهورباشقانلیغی ساراییندا دونن رسمی قارشیلاما مراسیمی تشکیل ائدیلدی.
جمهورباشقانی، داها سونرا قونومداشی تووماس هندریک ایلوس ایله باش باشا گؤروشمهیه گئچدی.
هیاتلرآراسی گؤروشلردن سونرا بیرگه مطبوعات کونفرانسی تشکیل ائدیلدی.
جمهورباشقانی اردوغانین گوندمینده ایشیدله موباریزه واردی.
کوبانیده پئشمرگهلرین یانیندا آزاد سوریه اوردوسونون دا موباریزه ائدجیینی سؤیلهین جمهورباشقانی، پ.ی.دنین آزاد سوریه اوردوسوندان مین ۳۰۰ نفری قبول ائتدیگینی آچیقلادی.
جمهورباشقانی، کوبانییه گئچهجک پئشمرگه ساییسینین ۲۰۰دن ۱٥۰یه ائندیریلدیگی معلوماتینی دا پایلاشدی.
جمهورباشقانینا روسلارین الحاق ائتدیگی قیریمداکی تاتارلارین وضعیتی ده سوروشولدو.
اردوغان، "قیریم تاتارلارینا قارشی روسیا فدراسیونونون آتمیش اولدوغو آددیمی تانیمادیغیمیزی باشدان بو یانا سؤیلدیک. تانیمیریق. بو مؤوضوع ایله علاقهلی هر جور دستگی وئرمهیه داوام ائدیریک، استونینین قیریم تاتارلارینا وئرمیش اولدوغو دستهیه گؤره تشکر ائدیرم" دئدی.
استونی جمهورباشقانی تووماس هندریک ایلوس ده تورکیهنین آوروپا بیرلیگینه عضولوک پروسهسینه دستگینی دیله گتیردی.
جمهورباشقانی اردوغان، داها سونرا باغیمسیزلیق آنیدینی و ناتو سیبر ساوونما امکداشلیق مرکزینی گزدی.
استونی پارلامنتی باشقانی ائیکی نئستورولا دا گؤروشن اردوغان، استونی جمهورباشقانی ایلوسین شرفینه وئردیگی آخشام یئمهیینه قاتیلدی.
جمهورباشقانی رجب طیب اردوغان، استونیدکی سفریندن سونرا گئجه ساعاتلاریندا تورکیهیه دؤندو.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی