اردوغان پوتین ایله گؤروشدو
پرزیدنت قایناقلاریندان الده ائدیلن معلوماتا گؤره گؤروشده، ایکیطرف‌لی علاقه‌لرین اله آلینماسی‌نین یانیندا، بعضی اولوسلار آراسی پروبلم‌لره ده توخونولوب
اردوغان پوتین ایله گؤروشدو
پرزیدنت رجب طیب اردوغان، روسیا فدراسیونو دولت باشقانی ولادیمیر پوتین ایله دونن بیر تلفون گؤروشمه‌سی رئاللاشدیردی.
پرزیدنت قایناقلاریندان الده ائدیلن معلوماتا گؤره گؤروشده، ایکیطرف‌لی علاقه‌لرین اله آلینماسی‌نین یانیندا، بعضی اولوسلار آراسی پروبلم‌لره ده توخونولوب.
ایکی‌لی علاقه‌لرده ان اهمیت‌لی مکانیزم‌لردن بیری اولان اوست سویه امکداش‌لیق شوراسی کونفرانسییلا علاقه‌دار حاضیرلیق ایشلری‌نین اله آلیندیغی گؤروشده، سؤز موضوعسو توپلانتی‌نین ایل سونونا دوغرو رئاللاشدیریلماسی موضوعسوندا راضی قالیندیغی ایفاده ائدیلدی.
پرزیدنت اردوغانین تلفون گؤروشمه‌سی اثناسیندا، تورکیه‌نین پ.ک.ک و عراق شام ایسلام دولتی ترور اؤگوتو کیمی تشکیلات‌لارلا مباریزه ائتمیش بیر اؤلکه اولا‌راق ترورون هر نوعونه قارشی اولدوغونا دقتی چکه‌رک، 5 اوکتوبردا گروزنی‌دکی ترور سالدیریسیندا یاشانان جان ایتکی‌لرین‌دن اؤتری پوتینه باش ساغلیغی ده چاتدیردیغی قید ائدیلدی.
اردوغانین پوتینه کریمه‌دکی تاتار تورک‌لری‌نین یاشادیقلاری چتین‌لیک‌لری ده خاطیرلاتدیغی ایفاده ائدیلدی.
اردوغانین کریمه‌لی تورک‌لرین ناراحات‌لیق‌لاری‌نین آرا‌دان قالدیریلماسی اوچون لازیمه‌لی حساسلیغین گؤستریلمه‌سی لازیم اولدوغونا توخوندوغو بیلدیریلدی.
ایلگیلی‌لی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی
