تورکیه‌یه یئنی پاتریوت‌لار گلیر
تورکیه‌یه یئنی پاتریوت هاوا ساوونما سیستمی، ایسپانیا‌دان گؤندریله‌جک
ایسپانیا ساوونما باخانی پئدرو مورنس، ناتو پروگرامی چرچیوه‌سینده هلندین یئرینی آلماق اوزره تورکیه‌یه پاتریوت موشک سیستمی و عسگر گؤندره‌جک‌لرینی آچیقلادی.
مورنس، مجلیس ساوونما کمیسیونونا وئردیگی بیلگیده، ناتو مکانیزمی چرچیوه‌سینده عراق و سوریه سرحدلرین‌دن گله‌بیله‌جک اولاسی هاوا هوجومو و یا بالیستیک موشک کیمی تهدیدلره قارشی وطنداشلاری قوروماق اوچون تورکیه‌یه پاتریوت موشک سیستمی گؤندره‌جک‌لرینی ایفاده ائتدی.
٤-٥ سپتامبردا ولزده ائدیلن ناتو ذیروه‌سینده، ناتونون تورکیه‌دکی چالیشمالارینی دا پروگراملادیغینی ایفاده ائدن باخان مورنس، بو چرچیوه‌ده ایسپانیانین ٦ پاتریوت موشک سیستمی و ۱۳۰ عسگرینی تورکیه‌یه گؤندرجیینی سؤیله‌دی.
تورکیه‌نین ۲۰۱۲دکی طلبی اوزرینه باشلایان ناتو میسیونو چرچیوه‌سینده گؤره‌ولی هلندین ۲۰۱٥ ژانویه‌ده گؤره‌وینی تاماملاماسی سونراسیندا یئرینه ایسپانیا گئچه‌جک. ایسپانیانین، تخمینا ۱ ایلدیر آمریکا و آلمانیانین بنزر حربی بیرلیکلریله امکداش‌لیق ائتدیگی قید ائدیلدی.
سوریه‌دن تورکیه‌یه قارشی هوجوم تهدیدی چرچیوسینده ناتونون تورکیه‌نی قوروما چابا‌لارینی دستکلمک اوزره هلنده عاید پاتریوت هاوا ساوونما سیستمی ۲٦ ژانویه ۲۰۱۳ آدانادا قونوشلانمیشدی.
ایلک آشامادا بیر ایللیگینه گؤندریلن ساوونما سیستمی و ۲٥۰ عسگردن اولوشان بیرلیگین وظیفه مدتی، تورکیه‌نین طلبی یولوندا هلند حکومتی طرفین‌دن بیر ایل اوزادیلمیشدی.
