"گؤره‌وی احمد داووداوغلو آلاجاق"
پرزیدنت عبدالله گول، آک پارتی کنگره‌سینده گؤره‌وی احمد داووداوغلونون آلاجاغینین گؤرولدوگونو ایفاده ائتدی
پرزیدنت عبدالله گول، آک پارتی کنگره‌سینده گؤره‌وی احمد داووداوغلونون آلاجاغینین گؤرولدوگونو ایفاده ائده‌رک، "داووداوغلو اومود ائدیرم باشاریلی اولار، دستکله‌ییریک" دئدی.
عبدالله گول، تجروبه‌سینی قوروجوسو اولدوغو آک پارتینین باشاریلی اولماسی اوچون پایلاشمایا چالیشاجاغینی دا قید ائتدی.
گول، وظیفه‌سی‌نین سونا چاتماسی دولاییسیلا چانکایا کؤشکونده بیر رسپسیون وئردی.
رسپسیونا، ایش آدام‌لاری، صنعتچی‌لر، یازیچی‌لار، ژورنالیست‌لر و سیویل توپلوم قورولوش‌لاری‌نین نماینده‌لری قاتیلدی.
گول، رسپسیوندا سوال‌لاری جاوابلارکن، گوندمله ایلگیلی اؤنملی مئساژلار وئردی.
عبدالله گول، آک پارتی کنگره‌سی‌نین جمهورباشقان‌لیغینی تحویل وئرمه‌دن بیر گون اؤنجه ائدیله‌جیینی خاطیرلادا‌راق، "گؤروندوگو قدریله گؤره‌وی آلاجاق یولداشیمیز خاریجی ایشلر باخانی احمد بی، سیاسته ده دؤولت حیاتینا دا قازان‌دیران منم، داووداوغلو اومود ائدیرم باشاریلی اولار، دستکله‌ریک" دئدی.
"جمهورباشقانی اولموش بیر آدام نئجه داورانسا، من ده بون‌دان سونرا شبهه‌سیز کی ائله داوراناجاغام. منی بیلن‌لر بونو بیلیر" دئیه دانیشان گول، ایستانبولا یئرلشه‌جگینی، آنکارادا اولماغی هله‌لیک دوشونمه‌دیگینی ایفاده ائتدی.
رسپسیوندا قوناق‌لارا دا خیطاب ائدن عبدالله گول، تورکیه‌نین گله‌جیی‌نین چوخ پارلاق اولاجاغینی سؤیله‌دی.
گول، "اؤنوموزدکی دؤورده ده تورکیه‌نین بوتون ساحه‌لرده داها ایره‌لی گئدجیین‌دن آرخایینام و تورکیه‌نین گله‌جیی‌نین چوخ داها پارلاق اولدوغون‌دان، هر ساحه‌ده تورکیه‌نین چوخ داها یوکسله‌جییندن ده هئچ بیر شبهم یوخ‌دور".
گول، چانکایانی هر کسه آچدیغینی دا قید ائتدی.
سوسیال مئدیانی قوللانان ایلک پرزیدنت اولدوغونو سؤیله‌ین عبدالله گول، دانیشماسی‌نین آردیندان اوزون مدت آلقیشلاندی.
ایلگیلی‌لی خبرلر
جمهور باشقانی اردوغان و قاسیم جومرت توکایئو آراسیندا تلفون دانیشیغی اولوب
تورکیه پرزیدنتی رجب طیب اردوغان قازاخیستان پرزیدنتی قاسیم جومرت توکایئوله تلفون علاقه‌سی ساخلاییب.
