آک پارتی جمهورباشقانی آدایینی آچیقلادی
آک پارتینین جمهورباشقانی آدایی باشباخان رجب طیب اردوغان
آک پارتینین جمهورباشقانی آدایی باشباخان رجب طیب اردوغان.
آک پارتینین آدایی، باشقان یاردیمچی‌سی محمدعلی شاهین طرفیندن بوگون آنکارا تیجارت اوتاغی کونگره مرکزینده گرچکلشدیریلن توپلانتیدا آچیقلاندی.
شاهین، پارتیسینین بوتون میلت‌وکیلری‌نین ایمضاسییلا آلینان قرار اوزرینه پارتیلری‌نین جمهورباشقانی آدایی‌نین باشباخان رجب طیب اردوغان اولدوغونو دویوردو. توپلانتییا، باشباخان اردوغانین یانیندا، باخان‌لار، باخان یاردیمچی‌لاری، آک پارتینین اسکی و یئنی دؤنم میلت وکیلری، بلدیه باشقان‌لاری ایله چوخ ساییدا کونگره نماینده‌سی قاتیلیر. توپلانتیدا، آک پارتی باشقانی و باشباخان رجب طیب اردوغانین اؤزگئچمیشی سینه‌ویزیون‌دان گؤستریلدی.
اؤزگئچمیشی‌نین آردین‌دان اردوغان، جمهورباشقانلیغی آدایلیغییلا ایلگیلی اوزون بیر چیخیش ائتدی، اؤنم‌لی مئساژلار وئردی. اردوغان اؤنجه اؤزونو نامیزد گؤسترن میلت وکیل‌لرینه و پارتیسینین بوتون منسوب‌لارینا تشکر ائتدی. سیاسی مباریزه‌لری‌نین گئچمیشینه توخونان اردوغان، ۱۰ آگوست جمهورباشقانلیغی سئچیمی‌نین اؤنمینی ده وورغولادی. خالقین ایلک دفعه جمهورباشقانینی سئچه‌جیینی ایفاده ائدن اردوغان، جمهورباشقانینین سیاست دیشی بیر مقام اولماسی‌نین آنلامسیز اولدوغونو سؤیله‌دی.
اردوغان، ۱۰ آگوستدا اگر سئچی‌لرسه "هر کسین جمهورباشقانی اولاجاغیما کیمسه‌نین شبهه‌سی اولماسین" دئدی. اردوغان هدف‌لرینی ده آچیقلادی: اقتصادی بؤیوتمک، دموکراسینی گلیشدیرمک، آوروپا بیرلیگینه تام عضو اولماق، قارداشلیغین داها دا گلیشمه‌سینی تامین ائتمک. باشباخان، یئنی آنایاسا قونوسونون گوندم‌لرینده یئرینی قورویاجاغینی دا ایفاده ائتدی.
