"ارمنیستانین، باریشین کؤکلرینین قافقازدا اولدوغونو آنلاماسی لازیم"
آذربایجان جمهورباشقانی کؤمکچیسی حاجییئو، ارمنیستان حکومتینی "اۆزونو بؤلگهیه چئویرمهیه و باریشی گتیرمک و جدی باشاریلار الده ائدهبیلمک اوچون آذربایجانلا گؤروشمهلری داوام ائتدیرمهیه چاغیردی
آذربایجان جمهورباشقانی کؤمکچیسی حیکمت حاجییئو، ارمنیستانین، باریشین کؤکلرینین واشینگتن، بروکسل و پاریسده دئییل قافقاز بؤلگهسینده اولدوغونو آنلاماسی گرهکدیگینی سؤیلهدی.
حاجییئو، ارمنیستان حکومتینی "اۆزونو بؤلگهیه چئویرمهیه و باریشی گتیرمک و جدی باشاریلار الده ائدهبیلمک اوچون آذربایجانلا گؤروشمهلری داوام ائتدیرمهیه چاغیردی.
حاجییئو، "آذربایجان یاخشی نیتلیدیر. اؤلکهمیزین اگمنلیگی تامین ائدیلدی، بؤلگهده عدالت و اولوسلارآراسی حقوقا دایانان یئنی و مشروع بیر وضعیت قورولدو" دئیه دانیشدی.
۲۰۲۲ ایلینین می آییندا آذربایجان خاریجی ایشلر باخانلیغی ارمنیستانلا ایلیشکیلری نورماللاشدیرمالارینین بئش پرنسیپینی آچیقلامیشدی.
بونلار، قارشیلیقلی اگمنلیگین تانینماسی، قارشیلیقلی تورپاق طلبلرینین اولمادیغینین تائید ائدیلمهسی، ایکی دؤولتین بیر بیرلری اوچون گوونلیک تهدیدی میدانا گتیرمهیهجگینی تعهد ائتمهلری، دؤولت سرحدلرینین تعیین اولونماسی، دیپلوماتیک ایلیشکیلرین تاسیسی و نقلیات و ارتباط کاناللارینین آچیلماسی شکلینده ایدی.
۲۱ نوامبردا آذربایجان خاریجی ایشلر باخانلیغی ارمنیستانا، ایکی اؤلکهنین اورتاق سرحدینده باریش سۆرهجینی گؤروشمهنی تکلیف ائتدی. باخانلیق نمایندهلری ایروانین گؤروشمه طلبینه آنجاق ۲ آی یاریم سونرا جاواب وئردیکلرینی بیلدیردی. باخانلیقدان، "باریش گؤروشمهلرینده بئلهسی بیر دوراقلاما بؤلگهنین ثابتلیگی و رفاهینا خیدمت ائتمیر" آچیقلاماسی وئریلدی.