جمهورباشقانی علییئو، تورکیه‌نین جمهوریت بایرامینی قوتلادی
"قارداش تورکیه، بوتون تورک دونیاسی کیمی آذربایجان اوچون ده اؤزل غرور و ایفتیخار قایناغیدیر"
آذربایجان جمهورباشقانی ایلهام علییئو، تورکیه جمهوریتینین ۱۰۰.جو ایلینی قوتلایاراق،
"قارداشلیغیمیز و دایانیشمامیز؛ اؤنملی تهلوکه‌سیزلیک و ثابتلیک عنصورو، بؤلگه‌سل امکداشلیغین اونورغاسی، تمل شرطیدیر." ایفاده‌سینی ایشلتدی.
ایلهام علییئو، تورکیه جمهوریتینین قورولوشونون ۱۰۰.جو ایلی سببی ایله یازیلی مئساژ یاییملادی.
مئساژیندا، تورکیه جمهوریتینین قورولماسینین، ۲۰.جی عصرین ان اؤنملی تاریخی حادثه‌لریندن بیری اولدوغونو وورغولایان علییئو،
"قارداش تورکیه، بوتون تورک دونیاسی کیمی آذربایجان اوچون ده اؤزل غرور و ایفتیخار قایناغیدیر" دئدی.
علییئو، تورکیه‌نین، هر گئچه‌ن گون گوجلنه‌ن، سرعتله گلیشن، اولوسلارآاسی دونیادا سؤز صاحبی اولان گوجلو اؤلکه‌لردن بیری اولدوغونو ایفاده ائتدی.
قارداش تورکیه‌نین، تورک دونیاسینین بیرلشمه‌سینده ده مستثنا رول اوینادیغینی وورغولایان آذربایجان جمهورباشقانی،
"تورک دونیاسینین بیرلیک و برابرلیگینین گوجلندیریلمه‌سینده جمهورباشقانی رجب طیب اردوغانین اؤنملی خیدمتلری واردیر" دئدی.
علییئو،
"آذربایجانین تورپاقلارینی ارمنی ایشغالیندان قورتارماق و تورپاق بوتونلوگونو یئنیدن تاسیس اوچون ایجرا ائتدیگی ۴۴ گون داوام ائد‌ن وطن ساواشینین ایلک ساعاتلاریندان سون دقیقه‌لرینه قدر باشدا جمهورباشقانی اردوغان اولماقلا یانیمیزدا اولان تورک خالقینین قرارلی توتومو، هر طرفلی سیاسی و معنوی دستگینین گئرچک قارداشلیق نومونه‌سیدیر. بو، عینی زامان‌دا آذربایجان ایله تورکیه‌نین دایانیشماسینی بیر دفعه داها بوتون دونیایا گؤستردی. بیز بو دستگی هئچ بیر زامان اونوتمایاجاغیق" ایفاده‌لرینی ایشله‌تدی.
آذربایجان جمهورباشقانی،
"قارداشلیغیمیز و دایانیشمامیز؛ اؤنملی گوونلیک و استقرار عنصورو، بؤلگه‌سل امکداشلیغین اونورغاسی، تمل شرطیدیر. بو آندا بؤلگه‌ده اؤلکه‌لریمیزین چیخارلاری دقته آلینمادان هئچ بیر گیریشیم حیاتا گئچیریله‌بیلمز" دگرلندیرمه‌سینی وئردی.
