سردار بردیمحمدوو تورکیهیه ایلک رسمی سفرینی ائدهجک
مستقیللیگینی ۲۷ اکتبر ۱۹۹۱ده اعلان ائدن تورکمنیستانی ایلک تانییان اؤلکه ۱۶ دسامبر ۱۹۹۱ده تورکیه اولدو
تورکمنیستان دؤولت باشقانی سردار بردیمحمدوو، ۲۵-۲۶ اکتبر تاریخلرینده تورکیهیه ایلک رسمی سفرینی ائدهجک.
سفر سیراسیندا، جمهورباشقانی رجب طیب اردوغان ایله گؤروشهجک اولان بردیمحمدوو، ایکیلی و چوخ طرفلی امکداشلیق قونولارینین یانیندا گونجل گلیشمهلر حاقیندا فیکیر آلیش وئریشی ائدیلهجک.
مستقیللیگینی ۲۷ اکتبر ۱۹۹۱ده اعلان ائدن تورکمنیستانی ایلک تانییان اؤلکه ۱۶ دسامبر ۱۹۹۱ده تورکیه اولدو.
تورکمنیستان ایله تورکیه جمهوریتی آراسینداکی دیپلوماتیک ایلیشکیلر ۲۹ فوریه ۱۹۹۲ده قورولدو.
اورتاق تاریخی، دیلی، دینی و مدنیتی پایلاشان ایکی قارداش اؤلکه و خالق آراسیندا، "بیر میللت، ایکی دؤولت" تملینده متعادل، قارشیلیقلی سایغی و امکداشلیغا دایالی اؤزل ایلیشکیلر وار ایکن، خاریجی سیاست، تیجارت، اقتصاد، مدنیت و تحصیل باشدا اولماق اوزره ایشبیرلیکلری داوام ائدیر.
تورکمنیستان، تورکیه شیرکتلرینین روسیادان سونرا ان چوخ فعالیت گؤستردیگی ایکینجی اؤلکه اولاراق دقت چکیر.
تورکیه-آذربایجان-تورکمنیستان دؤولت باشقانلاری ذیروهسینین ایلکی ۲۰۲۲ده تورکمنیستاندا تشکیل ائدیلمیش، ذیروه چرچیوهسینده انرژی ساحهسینده امکداشلیغین گلیشدیریلمهسی و طبیعی گاز تداروکونون اؤزل اؤنمینه وورغو ائدیلمیشدی.
بردیمحمدوو، ذیروهدهکی دانیشماسیندا، تورکمن طبیعی گازینین تورکیه اوزریندن آوروپایا ساتیلماسینا اولور وئرمیشدی.