آذربایجان؛ قوکاسیان، ساهاکیان و ایشخانیانین توتوقلاندیغینی بیلدیردی
آذربایجان دؤولت تهلوکهسیزلیک خیدمتیندن وئریلهن آچیقلامادا، قوکاسیان، ساهاکیان و ایشخانیانین ۳ اکتبردا خانکندی شهرینده گؤزآلتینا آلیناراق باشکند باکییا آپاریلدیقلاری ایفاده ائدیلدی
آذربایجان تورپاغی قاراباغداکی قوندارما ارمنی یؤنهتیمینین اسکی "جمهورباشقانلاری"ندان آرکادی قوکاسیان و باکو ساهاکیان ایله "پارلمان باشقانی" داوید ایشخانیان توتوقلاندی.
آذربایجان دؤولت تهلوکهسیزلیک خیدمتیندن وئریلهن آچیقلامادا، قوکاسیان، ساهاکیان و ایشخانیانین ۳ اکتبردا خانکندی شهرینده گؤزآلتینا آلیناراق باشکند باکییا آپاریلدیقلاری ایفاده ائدیلدی.
آچیقلامادا، بو شخصلرین "متشکیل ترور فعالیتی"، "ترورون مالیهلشدیریلمهسی"، "تروریزم مقصدی ایله تعلیم تشکیل ائدیلمهسی"، "اودلو سلاحلارین و بونلارین پارچلارینین، مهماتلارین، پاتلاییجیلارین و جیهازلارین یاسادیشی اولاراق متشکیل اولاراق الده ائدیلمهسی، ییغیلماسی و داشینماسی"، "قانونلا نظرده توتولمایان سلاحلی قروپ و قروپلار میدانا گتیرمک و بونلارین فعالیتلرینه قاتیلماق" سوچلاریندان چیخاریلدیقلاری محکمه طرفیندن توتوقلاندیقلاری قید ائدیلدی.
قوکاسیان ۱۹۹۷-۲۰۰۷، ساهاکیان ۲۰۰۷-۲۰۲۰ دؤنمده قاراباغداکی ایشغالچی رژیمینین سؤزده "جمهورباشقانلیغینی" ایجرا ائتمیشدی.
داشناکسوتیون پارتیسینین "قاراباغ نمایندهسی" ایشخانیان ایسه بو ایل سؤزده ارمنی یؤنهتیمینین "پارلمان باشقانی" سئچیلمیشدی.
آذربایجان مقاملاری، قاراباغداکی سؤزده ارمنی یؤنهتیمینین اسکی "جمهورباشقانلاریندان" آرائیک هاروتیونیانین دا توتولدوغونو بیلدیرمیشدی.