تورکیه ایله آذربایجان آراسیندا ۳ آنلاشما ایمضالاندی
"ارمنیستانین اؤزونه اوزادیلان باریش الینی توتماسی و صمیمی آددیم آتماسینی گؤزله‌ییریک"
جمهورباشقانی رجب طیب اردوغان، آذربایجان جمهورباشقانی ایلهام علییئوین دعوتی اوزرینه بیر گونلوک ایش سفری اوچون ناخچیواندا.
جمهورباشقانی اردوغان، ناخچیوان هاوالیمانیندا علییئو طرفیندن رسمی مراسیمله قارشیلاندی.
آردیندان ایکی لیدئر، ناخچیوان اؤزارک جمهوریتی یوکسک مجلیسینه گئچه‌رک بورادا باش باشا گؤروشمه گئرچکلشدیردی.
گؤروشمه‌ده، تورکیه-آذربایجان ایلیشکیلری، قاراباغ‌داکی سون گلیشمه‌لر باشدا اولماق اوزره گونجل، بؤلگه‌سل و قلوبال مسئله‌لر اله آلیندی.
اردوغان ایله علییئو، داها سونرا ایغدیر-ناخچیوان طبیعی گاز بورو خطینین تملینی آتدی.
لیدئرلرین حضوروندا ایکی اؤلکه آراسیندا موختلیف ساحه‌لرده ۳ آنلاشما ایمضالاندی.
ایکی لیدئر داها سونرا تشکیل ائدیله‌ن اورتاق مطبوعات توپلانتیسینا گئچدی.
اردوغان،
ایغدیر-ناخچیوان طبیعی گاز بورو خطی پروژه‌سی آذربایجان ایله انرژی ساحه‌سینده‌کی اورتاقلیغیمیزی داها دا درینلشدیرجگی کیمی آوروپانین انرژی عرضه گوونلیگینه ده قاتقی وئره‌جک" دئدی.
قاراباغ‌دا گئچه‌ن هفته تشکیل ائدیله‌ن آنتی‌ترور عملیاتینا باغلی اردوغان، آذربایجانین ارمنی سلاحلی قروپلارا قارشی قازاندیغی بو سون ظفرله بیرلیکده بؤلگه‌ده احاطه‌لی بیر نورماللاشما اوچون یئنی فورصت پنجره‌لری آچیلدیغینی ایفاده ائتدی.
جمهورباشقانی،
"ارمنیستانین اؤزونه اوزادیلان باریش الینی توتماسی و صمیمی آددیم آتماسینی گؤزله‌ییریک" ایفاده‌لرینی ایشلتدی.
ایلهام علییئو ده،
"تورکیه ایله بیر بیریمیزه دستک وئره‌رک بؤلگه‌سل مؤوضوعلاری دوغرو ایستیقامته یؤنلدیریک. بؤلگه‌ده باریش و ثابتلیک اولسون، ساواش اولماسین ایسته‌ییریک" شکلینده دانیشدی.
اردوغان ایله علییئو، آیریجا ناخچیوان عسگری مجتمعینین آچیلیشینی دا گئرچکلشدیردی.
آچیلیشی گئرچکلشدیرن لیدئرلر، داها سونرا عسگری مجتمعی گزدی.
