قوجا: تورکیه ساغلیق توریزمینده مرکز اولماغا باشلادی
تورک دونیاسی عاجیل مئدیکال قورتارما بیریمینین حیاتا گئچیریلهجگینی سؤیلهیهن باخان قوجا، بونونلا باغلی تعلیملرین اؤنوموزدهکی آی ایزمیرده باشلایاجاغینی ایفاده ائتدی
ساغلیق باخانی فخرالدین قوجا، تورکیهنین سون دؤنمده ساغلیق توریزمینده بیر مرکز اولماغا باشلادیغینی ایفاده ائتدی.
فخرالدین قوجا، اؤزبکیستاندا تشکیل ائدیلهن تورک دؤولتلری تشکیلاتی ساغلیق باخانلاری ییغینجاغی و تورکیه-اؤزبکیستان ۲.جی ساغلیق ایش فورومو آچیلیشینین آردیندان، ژورنالیستلره آچیقلامالار وئردی.
سمرقندده بو گون باشلایان فوروما بؤیوک قاتیلیم اولدوغونو ایفاده ائدن قوجا،
"هم ساغلیق توریزمی هم طبی جیهاز ساحهسینده اورهتیم، درمان داخیل اولماق اوزره بیلگی سیستملری ایله باغلی قارشیلیقلی امکداشلیغین ائدیلدیگی بیر فوروم تشکیل ائدیلدی" دئیه دانیشدی.
قوجا، فورومدا مینه یاخین ایشتیراکچینین یئر
آلدیغینی بیلدیرهرک، بوندان سونراکی دؤنمده ایشبیرلیکلرینین سورمهسی اوچون گؤروشمهلرین داوام ائدجگینی سؤیلهدی.
ساغلیق توریزمینین اؤنمینه توخونان قوجا،
"ساغلیق توریزمینده سون دؤنمده تورکیه، مرکز اولماغا باشلادی" دئدی.
تورک دونیاسی عاجیل مئدیکال قورتارما بیریمینین حیاتا گئچیریلهجگینی سؤیلهیهن باخان قوجا، بونونلا باغلی تعلیملرین اؤنوموزدهکی آی ایزمیرده باشلایاجاغینی ایفاده ائتدی.
قوجا، ساغلیق ایش فوروملارینی دیگر اؤلکهلرده ده ائدجکلرینی، سپتامبردا اینگیلترهنین باشکندی لندنده بیر فورومون پلانلاندیغینی سؤیلهدی.
باخان قوجا گؤروشمهلری چرچیوهسینده ساغلیق ایش فورومو و سرگیسینه ده قاتیلدی.
فوروم چرچیوهسینده تورکیه و اؤزبکیستان ساغلیق قوروملاری آراسیندا ۱۰ پروتوکول ایمضالاندی.