آذربایجان ایله پاکیستان آراسیندا آنلاشما
لاهوردا "پاکیستان الانجی لیمیتد" ایله آذربایجانلی انرژی شیرکتی سوکار آراسیندا اسنک شرطلرده چرچیوه آنلاشما ایمضالاندی
پاکیستان، آذربایجان ایله مایعلشدیریلمیش طبیعی گاز (الانجی) تداروکو قونوسوندا "اسنک شرطلرده" آنلاشما ایمضالادی.
رادیو پاکیستانداکی خبره گؤره، لاهوردا "پاکیستان الانجی لیمیتد" ایله آذربایجانلی انرژی شیرکتی سوکار آراسیندا اسنک شرطلرده چرچیوه آنلاشما ایمضالاندی.
ایمضا مراسیمینده ایشتیراک ائدن باشباخان شاهباز شریف، آنلاشمانین ۱ ایل مدتله گئچرلی اولدوغونو آنجاق ۱ ایل داها اوزادیلابیلهجگینی ایفاده ائدرک، آذربایجانین هر آی بیر الانجی یوکو تکلیف ائدجگینی و بونو قبول ائدیب ائتمهمهنین پاکیستانا باغلی اولاجاغینی سؤیلهدی.
شریف، آنلاشماداکی رولو سببی ایله آذربایجان جمهورباشقانی ایلهام علییئوی اؤودو.
پاکیستانین آذربایجان هاوا یوللاری اوچون ایسلامآباد، کراچی و لاهورا اوچوش ایجازهسینی تصدیقلهدیگینی بیلدیرن شریف، بونون ایکی اؤلکه آراسینداکی سرمایه و توریزمین گلیشیمی اوچون اؤنملی بیر آددیم اولدوغونو قید ائتدی.
نفت قیمتلریندهکی قلوبال آرتیشین آردیندان پاکیستان، خام نفت واردات قایناقلارینی نؤوعلره چئشیدلندیرمک اوچون گیریشیملره باشلامیشدی.
پاکیستانین روسیادان وارد ائتدیگی ۱۰۰ مین تون خام نفتین ۴۵ مین تونلوق قیسیمینی داشییان ایلک گمی، ۱۱ ژوئنده کراچییه چاتمیشدی.
پاکیستان باخانلار قورولو، ۱۵ ژوئنده، آذربایجاندان ائندیریملی قیمتدن الانجی آلیشینا باغلی آنلاشمانی اونایلامیشدی