آذربایجان، لاچین‌دا گئچیشلری گئچیجی اولاراق دوردوردو
آذربایجان دؤولت سرحد خیدمتلری، اولوسلارآراسی قیزیل خاچ تشکیلاتینا عاید آراجلارلا ارمنیستان‌دان آذربایجانا قاچاق اشیا داشیندیغینی بیلدیردی
آذربایجان، لاچین سرحد کنترل نقطه‌سینده‌کی گئچیشلری گئچیجی اولاراق دوردوردو.
آذربایجان دؤولت سرحد خیدمتلری، اولوسلارآراسی قیزیل خاچ تشکیلاتینا عاید آراجلارلا ارمنیستان‌دان آذربایجانا قاچاق اشیا داشیندیغینین معین ائدیلدیگینی، بو دوروم اوزرینه لاچین سرحد کنترل نقطه‌سینده‌کی گئچیشلرین گئچیجی اولاراق دوردورولدوغونو بیلدیردی.
آذربایجان دؤولت سرحد خیدمتلرین‌دن وئریله‌ن آچیقلامادا، ۱-۵ جولای تاریخلرین‌ده ارمنیستان‌دان آذربایجانا گئچه‌ن اولوسلارآراسی قیزیل خاچ تشکیلاتینا عاید آراجلارلا قاچاق یوللا داشینان چوخ ساییدا جیب تلفونو، شارژ جیهازی، سیگار و یاناجاق معین ائدیلدیگی ایفاده ائدیلدی.
آچیقلامادا، شوفرلری ارمنیستان وطنداشی اولان ماشینلاردا معین ائدیله‌ن قاچاق اشیالارا ال قویولدوغو قید ائدیلدی.
اولوسلارآراسی قیزیل خاچ هؤرگوتونون بو قونودا رسمی کاناللاردان خبردار ائدیلمه‌سینه باخمایاراق یاسادیشی داشیمالارین تکرارلاندیغی بیلدیریلن آچیقلامادا، بونلارین اورتادان قالدیریلماسی اوچون لازیم اولان آددیملارین آتیلمادیغی ایفاده ائدیلدی.
آچیقلامادا، اولوسلارآراسی قیزیل خاچ تشکیلاتینا عاید آراجلارلا قاچاقچیلیق ائدیله‌رک آذربایجان قانونلارینین پوزولدوغو، عینی زامان‌دا آذربایجانین، اینسانی کؤمک قورولوشو اولان اولوسلارآراسی قیزیل خاچ تشکیلاتینا گووه‌نیندن ده سوءایستیفاده ائدیلدیگی ایفاده ائدیلدی.
اولایلارلا باغلی سوروشدورما باشلادیلدیغی وورغولانان آچیقلامادا، لاچین سرحد کنترل نقطه‌سینده‌کی گئچیشلرین گئچیجی اولاراق دوردورولدوغو بیلدیریلدی.
