بیلینکن، بایراموو و میرزویانلا گؤروشدو
آنتونی بلینکن، واشینگتوندا آذربایجان خاریجی ایشلر باخانی جئیحون بایراموو و ارمنیستان خاریجی ایشلرباخانی آرارات میرزویان ایله بیر آرایا گلدی
آمریکا بیرلشمیش دؤولتلری خاریجی ایشلر باخانی آنتونی بلینکن، واشینگتوندا آذربایجان خاریجی ایشلر باخانی جئیحون بایراموو و ارمنیستان خاریجی ایشلرباخانی آرارات میرزویان ایله بیر آرایا گلدی.
خاریجی ایشلر باخانلیغی سؤزچوسو متیو میللر، گوندهلیک مطبوعات کونفرانسیندا، بلینکنین، "باریش گؤروشمهلری چرچیوهسینده" بایراموو و میرزویانی آغیرلادیغینی ایفاده ائتدی.
میللر،
"آمریکا، جنوب قافقاز بؤلگهسی اوچون باریشچیل بیر گلهجک آرخاسیندا یئریمهیه داوام ائدرکهن، بو هفته موذاکیرهلری آسانلاشدیرماق اوزره ارمنیستان خاریجی ایشلر باخانی میرزویان و آذربایجان خاریجی ایشلر باخانی بایرامی آغیرلاماقدان ممنونیت دویور" دئدی.
بلینکنین هر ایکی باخانلا اول آیری-آیری بیر آرایا گلدیگینی، داها سونرا اوچلو بیر ییغینجاق ایله باریش گؤروشمهلرینه داوام ائدیلدیگی معلوماتینی پایلاشان میللر،
"بلینکن هر ایکی ییغینجاقدا دا بیر باشا دیالوگون، پروبلئملری حل ائتمهده قالیجی و اونورلو بیر باریشا چاتمانین آچاری اولدوغونو وورغولادی" ایفادهسینی ایستیفاده ائتدی.
میللر، آمریکانین، ارمنیستان و آذربایجانین باریش سورهجینه وئریملی شکیلده داخیل اولما یولونداکی سون چابالاریندان "جسارت آلدیغینی" و بو بونون گلیشدیریلمهسی اوچون اؤلکه اولاراق "اللریندن گلن هر شکیلده کؤمک ائتمهیه داوام ائدجکلرینی" وورغولادی.