جمهور باشقانی اردوغان ژوئن‌ین 13-ده آذربایجانا سفر ائده‌جک
جمهور باشقانی اردوغان ایلک خاریجه سفرینی قوزیی قیبریس تورک جمهوریتی و آذربایجانا ائده‌جک.
جمهور باشقانی رجب طیب اردوغان ایلک خاریجه سفرینی قوزیی قیبریس تورک جمهوریتی و آذربایجانا ائده‌جک.
جمهور باشقانی رجب طیب اردوغان قوزیی قیبریس تورک جمهوریتینه بو گون ائدجگی سفر چرچیوه‌سینده قوزیی قیبریس تورک جمهوریتی-نین پرزیدنتی ارسین تاتار و باش ناظیر اونال اوستل ایله گؤروشه‌جک. تکبتک گؤروش‌دن سونرا جمهور باشقانی اردوغان و ارسین تاتار بیرگه مطبوعات کنفرانسیندا چیخیش ائده‌جک‌لر.
گؤروش‌لرده قیبریس ایله باغلی گله‌جکده آتیلا‌جاق آدیم‌لارین قیمتلندیریلمه‌سی و دوغو آغ دنیزینده‌کی پروسه لرین موذاکیره ائدیلمه‌سی گؤزلنیلیر.
جمهور باشقانی رجب طیب اردوغانین آذربایجانا صاباح ائدجگی سفر چرچیوه‌سینده آذربایجان پرزیدنتی ایلهام علی یئو ایله تکبتک گؤروش کئچیرجگی بیلدیریلیب. طرف‌لر همچنین نوماینده هئیت‌لری آراسیندا باش توتا‌جاق گؤروش‌لره صدرلیک ده ائده‌جک.
ایکی طرف‌لی موناسیبت‌لرین اینکیشافی اوچون آتیلا‌جاق آدیم‌لارین و امکداش‌لیق ساحه‌لری‌نین موذاکیره اولوناجاغی گؤروش‌لرده بولگه‌سل و اولوسلار آراسی مسئله‌لر اطرافیندا فیکیر موبادیله‌سی آپاریلا‌جاق.
